“GRABE talaga kayong dalawa ni Terrence. Tingnan mo nga at hanggang ngayon ay kinikilabutan pa ako dahil sa pagkanta niyo kanina,” hindi matapos-tapos ang mga komento ni Linette.
“Baka nadudumi ka lang,” asar kong sagot sa kaibigan. Kanina pa kasi ako naririndi sa kaniya. Simula nang makabalik kami dito sa classroom mula sa auditorium ay hindi na tumigil ang bibig niya sa kadadaldal ng mga nangyari sa audition. Kulang na lang ay tumayo siya sa harap ng klase at magbigay ng blow-by-blow account ng mga pangyayari.
“Oo nga, Naomi,” sabad ng isang kaklase kong babae. “Hindi mo naman sinabing may talent ka pala sa pagkanta. Sobrang tahimik mo kasi.”
“Paano naman niyang sasabihin kung palagi niyo siyang tinatarayan?” masungit na pambabara ni Linette.
Our classmate pouted. “Uy, hindi ko tina
