NAGSIMULA na ang aming School Intramurals at mas nag-enjoy ang mga estudyante dahil tila ito ang naging stress reliever namin mula sa nakaraang exam week. Mas lalo pang natuwa ang mga kaklase ko nang ibalita ni Sir Marky na magkakaroon ng overnight swimming, courtesy of Coach Paul, kapag nakuha ng strand namin ang ikatlong basketball championship.
“Noel, galingan niyo. Huwag kang bano sa court. Gusto kong makapunta sa Baler!” Sinamahan pa iyon ni Linette ng malakas tapik sa braso ng nananahimik na si Noel.
“Kahit wala iyang outing sa Baler ay sisiguruhin kong mananalo kami. Aba, huling laro ko na ito rito sa school kaya dapat mayroon akong graceful exit!”
Umingos si Linette. “Kayabangan mo. Kaya pala nanonood tayo ngayon ng laban ng STEM at HUMSS kasi confident kang mananalo kayo,” hind
