“MY gulay! Sino ba kasi ang nagpauso ng high heels? Masampal ko lang ng takong,” pabagsak na naupo si Linette nang makahanap kami ng pwesto sa pinuntahan naming fast food restaurant. She took off her four-inch pumps and gently massage her sole.
“Dapat kasi ay nagdala ka ng pamalit na flats or kahit sandals. Hindi ka talaga tatagal kung ganiyan kataas ang suot mo buong araw,” sermon ko sa kaniya habang pinagmamasdan ang nagdudusa niyang itsura dahil sa sapatos. “Style before comfort, huh? Ayan ang napala mo.”
Linette glared at me. “Tigilan mo ako, Nami. Madaya ka. Dapat ay ipinagdala mo na lang din ako ng flats.” Nahimigan ko pa ang pagtatampo kuno ng bruha kaya’t ibinato ko sa kaniya ang nilamukos na table napkin.
“Ano ba’ng malay kong hindi ka pala girls scout? Alam mo namang mangangal
