"Thank you," she said sweetly to Dak.
Nandito sila sa labas ng kumpanya na pinagtra-trabahuan niya at hinatid siya ni Dak. Inaantok pa nga siya pero hindi naman siya pwedeng tamarin sa trabaho. Kailangan niya talagang kumita ng pera at hindi naman siya kikita ng pera kung hindi siya magtra-trabaho at tatamarin lang siya.
"Baka hindi kita masundo mamaya," sabi bigla ni Dak kanya pero hindi nawala ang ngiti sa mga labi niya.
"Ayos lang 'yon. Alam ko naman na may trabaho ka, huwag mo na akong isipin, kaya ko ang sarili ko," sabi niya rito kaya nakita niyang ngumiti sa kanya si Dak.
"Tatawagan kita mamaya habang nakasakay ka ng taxi para hindi ka mainip," sabi nito kaya napangiti siya.
May humaplos na naman sa puso niya dahil iniintindi pa rin nito kung saan siya magiging komportable
