"Jazz, ubusin mo na 'yang Hardinera. Para sa 'yo talaga 'yan," sabi ni Lola Cion sa akin.
Ngumiti ako kay Lola Cion.
"Naku, Lola... busog na busog na po ako."
"Sige ka, mami-miss mo 'yang Hardinera ko nang matagal na panahon..."
Sasagot sana ako kay Lola Cion, pero naunahan akong magsalita ni Lola Martha.
"Huwag mo nang pilitin ang ayaw, Cion."
Sabay-sabay kaming tatlo na napatingin kay Lola Martha. Tahimik lang itong kumakain. Nagkatinginan naman kami ni Dos, tapos ay nilingon ko si Lola Cion. Bahagya siyang tumango sa akin na tIla humihingi sa akin ng paumanhin.
Masama ba ang loob sa akin ni Lola Martha dahil sa pag-alis ko dito sa Zaragoza? Nagsabi na ako sa kaniya kanina bago kami pumunta dito kina Dos para maghapunan, na babalik na ako sa Manila para asikasuhin ang negosyo nam
