Napabalikwas ako ng bangon. Nagpalinga-linga ako sa kuwartong kinaroroonan ko. Hindi pamilyar sa akin ang kuwartong ito. Tiningnan ko ang damit ko at iyon pa rin naman ang suot ko. Nasaan ako?
Sinilip ko ang braso ko para tingnan ang oras. Alas-kuwatro ng madaling araw. Ganun kahaba ang itinulog ko? Itinulog?
Ang huling naalala ko ay nasa harap ako ng kabaong ni Lola. Pero nahilo ako at nawalan ng malay. Biglang nanlaki ang mga mata ko. Napatakip ako sa bibig ko. Nasa punerarya pa rin ba ako? Sino 'yung sumalo sa akin? Si Dos ba? Nandito na ba siya?
Saktong bumukas ang pintuan at iniluwa ang isang pamilyar na bulto.
"Dos!"
Bahagya siyang ngumiti. May hawak siyang tray na may lamang pagkain.
"Mabuti naman at gising ka na," sabi niya sa akin.
Inalis ko ang comforter na nakatakip
