كبرياء وهوى

الفصل الثالث

الفصل الثالث

03 سبتمبر, 2021

03:09 م

الفصل الثالث

قالت دينا محاولة ان تلطف الأجواء يا ساتر وأخيرا دعاء مشيت كانت ماليه الدنيا كلام بس انا قاعده علي قلبك بقا يا لولو مش هتعرفي تخلصي مني اخدت اجازه من الشغل وقاعدالك يا جميل ..

ردت هاله وهي مطأطأة الرأس : انا مش عايزاكي تعطلي نفسك عشاني شوفي حياتك يادينا وقومي روحي شغلك

قاطعتها والدة دينا قائله : هاله يابنتي اسمعيني للأخر ولو الكلام معجبكيش اعتبريني متكلمتش خالص ..... انتي لازم ترجعي بيتك ومتسبيش جوزك ليها

التفتت هاله بحده وقالت بعصبيه : ارجع !!!!! ارجع ازاي يعني بتقولي ايه ياطنط بس

قامت امينه من مكانها وجلست بجانب هاله وقالت هي تضع يدها علي كتف هاله بحنو شديد : ياروحي افهمي دا بيتك وبيت بناتك تسمحي لواحده تانيه بكل سهوله كدا تحتل مكانك وتاخد منك كل حاجه كدا ... تعالي معايا كدا

وامسكت يدها واخذتها واوقفتها امام المرآه وقالت : بصي هنا كدا ... شايفه ايه ؟!! اقولك انا بقا من ناحيتي شايفه ايه ..... شايفه تعب وارهاق وعدم اهتمام وسن أكبر من السن الأساسي

شعرت هاله كأنها القت عليها دلوَا من الماء البارد وعجز ل**نها عن التلفظ بأي شيء

تابعت امينه : متزعليش مني يابنتي بس لازم تفوقي لبيتك وجوزك دوامه الدنيا والعيال اخدتك وتوهتي فيها اسمعي كلام أمك وض*بت ع ص*رها وتابعت متغلطيش غلطتي ودينا اكيد حكتلك عن اللي حصلي زمان يعز عليا اشوفك بتدمري بيتك وحياتك واقف ساكته انتي امانه في رقبتي

احتضنتها هاله وبكت بين يديها حتي هدأت وقالت : صعب اوي ياطنط والله صعب دا موت بطئ ازاي هستحمل مش هقدر ...

اخذتها امينه لترتاح قليلا وهي تقول : مش دلوقتي خالص ياهاله فكري براحتك واحسبيها صح يا نور عيني ويلا ارتاحي دلوقتي ونامي

:::::::::::::::::

استلقت هاله تتقلب في فراشها لم تنم عينها لحظه تفكر كثيرا في كلام أمينه وفي كرامتها وفي كل شيء لم تدري كم مضي من الوقت وهي علي ذلك الحال ثم اعتدلت في جلستها وحسمت قرارها ......

تُرى ماذا قررت أن تفعل هالة؟

هل ستنصاع لنصيحة والدة صديقتها

وتحاول إعادة حقها المسلوب في زوجها وبناتها وبيتها ؟؟؟؟؟

قال عماد وهو يجلس ويضع حقيبة عمله بجانبه ويشعر بالتعب الشديد : : : : : :

يااااه كان يوم صعب اوي النهارده ضغط شغل فظيع

ردت امل وهي تخلع حذائها بتعب : : : : :

انا جعانة نوم هدخل اخد دش وانااااام . . . .

نظر لها عماد بعتاب وقال : : : : :

هتنامي ؟!! البنات زمانهم ع وصول واكيد هيبقو تعبانين وجعانين بقالك أسبوع بتاكليهم من بره وهما متعودين علي اكل البيت امهم مكانتش بتقبل تاكلهم من بره ابدا . . . .

قاطعته امل بحده وهي تقوم وتلقي بحذائها ارضا بعصبيه : : : :

كل شويه تجيبلي سيرتها احنا مش هنخلص بقا هاله ايه دي اللي تقارني انا بيها ... كادت ان تكمل حديثها المهين لكنها تداركت نفسها واخذت نفسا عميقا وتقدمت اليه وتابعت : : : : :

بيبي احنا مش عايزين نتخانق في اول أيامنا مع بعض خلينا نعيش حب وبس وحااضر من عيوني هغير هدومي وادخل اعملهم احلي اكل

رحلت من امامه ببركان ثائر لكنه يظهر له علي انه جبل جليد وصدقها تمام التصديق . . . .

::::::::::::::::::::::::

كانت امينه تجلس بيدها قطعه من الملابس تقوم بحياكتها نظرت لأعلي عندما سمعت صوت هاله تقول بتساؤل : : : : :

تفتكري ياطنط صح اللي انا قررته دا ؟!!

وضعت قطعه الملابس بجانبها واعتدلت في جلستها وقالت : : : : :

عين العقل يا بنتي والله حافظي علي بيتك وعيالك وكمان هقولك علي حاجه شريره شويه ... وضعت يدها علي فمها وضحكت وتابعت : غيظيها ومتسبيش جوزك ليها انتصري عليها واثبتي لها انها صفر علي الشمال وإنتي الأصل هي كل اللي عليها شويه دلع لكن اللي زي دول لا بيربو ولا يتعبو ولا يشيلو مسئوليه زينا كدا اسمعي كلامي الشعر الأبيض .. امسكت خصلات شعرها البيضاء وتابعت دا مجاش من الفراغ دا عمر وخبره في الدنيا دي

شعرت هاله بحيره شديده وردت قائله : : : : :

انا بقالي أسبوع اخد القرار وارجع فيه مش قادره انفذ الخطوه دي خالص بس بناتي كاسرين ضهري هموت عشانهم ومعرفش ازاي قدرت اقعد من غيرهم كل دا ولو اخدتهم هنعيش فين هصرف عليهم ازاي...!!

قاطعتها امينه بسرعه : : : : : :

بصي ياهاله انا عارفه ان الحال دا صعب اوي وي**ر أي ست بس انا عايزاكي انتي اللي ت**ريه وت**ريها مش بقولك تأذيه لا خدي حقك انه يرجعلك تاني تحت رجليكي وهي تطرديها من حياتكو نهائي

ردت هاله بتوعد وهي تقف لتنظر من الشباك : : : : :

بس انا مش عايزه أعيش في حرب بس عشان خاطر بناتي اعمل أي حاجه ... ثم تابعت قائله : دينا هتروح امتي الشغل الجديد

اجابت امينه : : : : :

بكره باذن الله

: : : : : : : : : : : : : : : : : : : : : : : : : : : :

في جامعه القاهرة تحديدا في كليه الصيدلة يقف مجموعه من الشباب بين هرج ومرج وصراخ وضحكات تجلس دعاء وصديقتها روعه علي مقربة منهم يتحدثان في امر يبدو انه جدي ينقطع حديثهم عندما يقترب منهم شابان يبدو عليهم الوسامة والأناقة تكلم احدهم بجرأة : : : : : : :

ممكن أتكلم معاكي يا دعاء . . .

تأففت دعاء واستدارت بجسدها في الناحية الأخرى وقالت : : : : :

- لا . . .

فتقدم ووقف امامها وقال بطريقه مضحكه : : : :

حاضر هتكلم متتحايليش عليا بس

ابتسمت رغما عنها فاقتضبت تلك الابتسامه الفاضحة

عندما راها تبتسم قال بمرح وهو يصفق بكفيه : : : : :

ايوووه كدا اضحكي خلي الدينا تنور . .

قاطعته روعه بعصبية : : : :

يلا يا دعاء نمشي من هنا . . .

ووقفت واخذتها من يدها اوقفتها دعاء وقالت بتساؤل : : : :

ايه في ايه يابنتي سحباني كدا ليه . . . ! ! !

ردت بعصبيه : : : :

امال كنتي عايزانا نقف معاهم . . ؟ ؟جرالك ايه مكنتيش كدا . .

اجابت بعدم اهتمام : : : :

متكبريش الموضوع ياروعه عادي يعني زمايلنا ايه المشكلة في كدا . . .

اجابت روعه وهي تفتح حقيبتها وتخرج منها شيئا : : : :

خدي يا دعاء الكتيب دا اقريه كويس بيتكلم عن الحجاب وعن اللي انتي بتقولي عليه عادي دا ! ! شوفي حرمته ايه . . .

ردت دعاء باستنكار وهي تلتقطه بيدها : اه اه ان شاء الله هقراه يلا بقا عشان هنتأخر علي المحاضرة

: : : : : : : : : : : : : : : : : : : : : :

جلسو علي مائده الغداء التي أعدتها امل فهتف عماد وهو يبلتع ريقه ويمسك بالملعقه : الاكل شكله يفتح النفس واحنا جعانين اوي

تابع وهو يبتلع اول لقمه بصعوبة شديدة ويبدو عليه عدم التلذذ بالطعام : اممم حلو اوي يا حبيبتي تسلم ايدك

ردت ميسون وهي تبصق الطعام : يع دا وحش اوي متاكليش يا ميس

ثم قامتا وذهبتا الي غرفتهن

قال عماد وهو ينظر اليهم بقلة حيلة : خلاص سيبيهم هما متعودين علي اكل معين مش هيفهمو دا

قامت امل والقت الملعقه بالطبق لتص*ر صوتا قويا رنانا وقالت بعنف : كل شويه تلمح انهم مش بيحبوني ولا بيحبو أي حاجه بعملها مع اني بعمل كل دا عشان خاطرهم وانا أصلا مبطبخش ولا الكلام دا وانت عارف

قام وتقدم اليها وقال بنفاذ صبر : بكره يتعودو متزعليش نفسك

:::::::::::::::::::::::::::

في صالون تجميل مشهور نوعا ما جلست دينا وهاله تنتظرا دورهم

قالت هاله بحزن : تصدقي انا مش فاكره امتي اخر مره دخلت مكان زي دا هو انا ممكن فعلا أكون مقصره يا دينا .. اخذت نفسا عميقا وتابعت : عماد في شغله بيشوف اشكال والوان وبيرجع يلاقيني فعلا بلبس البيت ورابطه شعري ومش مهتمه بنفسي باي طريقه انا اخدت قلم جامد اوووي فوقني ثم نظرت الي دينا بتحمس مفاجئ : بس انا هتغير وهرجع تاني احلي من الأول وهغلبها وجوزي هيرجعلي انا .....

ردت دينا بإعجاب : ايوه كدا يا هاله هو دا اللي لازم يحصل ثم غمزت بعينها وتابعت : احنا نعملك نيولوك ونخرج من هنا هشتريلك شويه حاجات كدا ونظبوطي ياشابه

قالت هاله بإمتنان: انا مش عارفه اشكرك ازاي والله يادينا انا تقلت عليكي اوي الفتره دي مع اني اكبر منك بس دايما بحس ان انتي اللي شايلاني

قاطعتها دينا بعتاب : ايه يا هاله الكلام دا هزعل منك والله انا نفسي بس تبقي مبسوطه في حياتك ربنا ينصرك ياروحي

:::::::::::::::::::

ياحلو ياحلو عبرنا بنظره طب ابتسامه طب كلمه والسلامه .. القي كلمته الاخيره وهو يقفز ليجلس بجانب دعاء علي الطاوله بقاعة المحاضرات بعد خروج المحاضر .. استنفرت منه ووقفت وقالت بعنف : ماتتلم بقا ولا عشان ساكتالك من الصبح هتسوء فيها والله اروح اشتكيك للعميد وتركته وغادرت

نظر لها بخبث وقال في نفسه : هتروحي مني فين هجيبك هجيبك

:::::::::::::::::::::::

انبهرت دينا بمظهر هاله الجديد وقالت وهي تص*ر صوتا من فمها كصوت الصافره : ايه دا ... ايه الجمال دا يالهوي دا احنا هنكيد العزال بقا ...

خجلت هاله وقالت : بس يا دينا انا م**وفه اوي مش متعودة علي شكلي ولا لون شعري الجديد دا حاسة ان انا بقيت واحده تانية

قهقهت دينا كثيرا وقالت : وهو المطلوب اثباته احنا عايزينك تبقي واحده تانيه عايزين رقبته تتلوح عليكي

قالت هاله بقلق : ربنا يستر مش عارفه انا أد المواجهه دي والرجوع ولالا

يابنتي بصي لنفسك في المرايه شوفي بقيتي عامله ازاي ماشاء الله قمر 14

ويلا بقا عشان لسه هنلف علي المحلات

:::::::::::::

اشترت لها دينا كثيرا من الملابس الرقيقة والمميزة بألوان صاخبه مثيره استنكرت هاله من بعض القطع ولكن كانت دينا لها بالمرصاد واحضرتهم عنوه

وجاءت اللحظة الحاسمة !!!! اوصلتها دينا الي العمارة التي تقطن بها ارتجف قلب هاله وشعرت بالبرد في **يم اشهر الصيف وارتعشت يديها وقالت : : : : : : : : : :

دينا انا مش قادره اطلع رجليا مش شايلاني يلا نمشي من هنا

امسكت دينا بيديها تبثها بعضا من الأمان والطمأنينه وقالت بهدوء : هاله حبيبتي انا حاسه بيكي بس بناتك وبيتك يستاهلو اللي انتي هتعمليه دلوقتي معلش اطلعي وارمي حملك علي ربنا ومتقلقيش انا لولا ان انا مش عايزاها تحس بضعفك وتقول جايبه صاحبتها معاها ومش قادره تواجهني لوحدها كنت طلعت معاكي يلا يا حبيبتي اتكلي علي ربنا واطلعي ابقي كلميني طمنيني عليكي

صعدت هاله الدرج مع كل درجة كان قلبها يدق بل يتزلزل من مكانه ... تقدم ساق وتؤخر ساق وأخيرا تشجعت وقالت بسم الله توكلت علي الله وضغطت علي جرس الباب . . . . . . .

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . يتبع * * * * * * * * * *