Nawaglit agad sa isipin ko ang tungkol sa nakita. Maaring namali lamang ako doon lalo pa’t maliit na parte lamang ng mukha ng babae ang naaninag ko.
Isa pa, nasabi sa akin ni Ray na umuwi lahat pabalik sa kani-kanilang probinsya ang mga naging katulong namin maliban lang kay Nanay Bilen na sumama sa amin sa ibang bansa noon.
"Hija may gusto ka pa bang idagdag sa mga ito?" Si Tita Elizabeth nang salubungin ako dala ang isang papel.
Agad kong sinuri ito at natantong mga listahan ng kailangan para sa magiging kaarawan ko. We will celebrate my birthday next month, at ngayon pa lang ay inaasikaso na niya ito.
"These are perfect, Tita." Ngiti ko sa kanya.
I want to have a private birthday celebration. Dito gagawin sa bahay at tanging mga malalapit lang na pamilya at kaibigan ang imbitado.
