MAHAPDI na sa balat ang sinag ng araw nang magising si Roselle. Kagyat na rumehistro sa isip niya ang nagdaang sandali sa piling ni Frederick.
Awtomatikong hinanap ng kamay niya ang binata sa kanyang tabi. Subalit si Juniel ang nahawakan niya.
Tulog na tulog pa rin ang anak na tila hindi namalayang makailang ulit na pinangko para ilipat ng higaan.
Mabilis niyang ibinutones ang pajama top. Nang tumayo siya ay umabot sa kalahatian ng hita niya ang haba ng blusa at hindi na nag-abalang isuot muli ang iba pang damit na nagkalat sa sahig.
Dinampot niya iyon at saka pumasok sa banyo. Mabilis siyang nag-shower. Naglalaro na sa ibabaw ng kama si Juniel nang matapos siya.
Nahagip ng tingin niya ang kapirasong papel na nakatiklop sa tabi ng lampshade.
Roselle,
I didn’t bother to wake you up.
