PINILI ni Louie na manahimik na lang, na huwag na lang balikan ang nakaraan. Pinilit niya ang nangyayari sa kasalukuyan. Na ito na lang ang harapin nila ni Mikaela, kaysa sa posibilidad na magkasakitan pa sila ng damdamin mula sa nakaraan. Ipinaliwanag niyang mabuti ang sitwasyon nila ni Mikaela sa kanilang mga kaibigan. Atsaka takot din sina Lily at Ruth sa pwedeng mangyari, na baka pati sila ay akusahan ni Mikaela na sinungaling at manloloko. Maski ang magulang ni Mikaela na sina Nestor at Cecilia ay pinakinggan ang pakiusap ni Louie sa kanila.
Hindi naman masyadong nagustuhan ni Vince ang naging desisyon ni Louie, dahil para sa kanya, mali ang magtago ng lihim lalo na kung sa taong mahal mo pa. Pero naiintindihan niya ang damdamin ni Louie. Alam ni Vince na mali na itago kay Mikaela a
