KAY ganda ng umaga habang nakatingin si Louie sa labas ng dingding na yari sa salamin. Tanaw niya ang buong lungsod dahil nasa tuktok ng kanyang hotel ang kanyang tirahan. Hindi siya masyadong nakatulog dala ng sobrang pag-iisip sa mga pinag-usapan nila ni Vince. Pero, kailangan niya munang tanggalin sa kanyang sarili ang mga bagay at sitwasyon na negatibo na gumugulo sa kanyang mga iniisip. Napangiti siya nang pumasok sa kanyang isipan ang itsura ni Mikaela nang makita nito ang galak sa mukha ng dalaga dahil sa paanyaya niya. Alam niyang masyado pang maaga kung pupuntahan na niya ito. Ngunit may dahilan siya, iyon ay ang makasama din ang kanilang anak. Nagdesisyon na si Louie na asikasuhin ang kanyang sarili upang siya ay pumunta na sa bahay nina Mikaela. Sobrang excited din siya dahil