KALIWA’T kanan ang tingin ni Louie sa kalsada na kanyang binabaybay. Umaasa siyang makita o masilayan niya si Mikaela. Subalit, mas tumitindi lang ang kirot na nararamdaman ng kanyang puso, sa tuwing nabibigo siya sa bawat lampasan niyang daan. Naging kulay red ang stop light. Pagkahinto niya ay sinuntok niya ang manibela. Gusto niyang sisihin ang kanyang sarili. Pero, para saan? Wala naman siyang ginagawang masama. Kung ayaw man niyang aminin ang lahat kay Mikaela, iyon ay para sa ikabubuti ng kalagayan ni Mikaela. Tinanggal niya sa pagka-lock ang kanyang cellphone. Tinawagan niya si Vince. Naka-loudspeaker din ang kanyang cellphone. “Na-miss mo naman ako agad,” bungad ni Vince. “Wala ako sa mood na makipag-biruan.” “Mukha nga! Sa tono pa lang ng pananalita mo ay alam ko na. May nangya