PABABA ng hagdan si Celestine nang maulinagan si Manang Evit na may kausap sa cellphone hindi na sana niya ito pansinin ngunit narinig niyang nabanggit nito ang pangalan ng Gobernador. Alam niyang masama ang makinig nang may usapan. Ngunit naku-curios siya kung ano ang sinabi ng kanyang asawa kay Manang Evit. Sakto naman na naka-loud speak ang cellphone nito dahil medyo may kahinaan na sa pandinig ang matanda lalo na kapag sa cellphone ito makipag-usap. Nahihirapan nitong itindihin ang sinasabi sa kabilang linya.
“Hello Senyorito! Huwag po kayong mag-aalala babantayan ko pong maigi si Senyorita,” Napataas ang kabilang kilay ni Celestine dahil sa narinig.
‘Bakit ako babantayan? E—hindi naman ako batang walang muwang?’ Tuloy siya sa pakikinig. Talagang hindi siya pinagkakatiwalaan ng Gob
