CHAPTER 98
JILLIAN's POV:
"KANINA KA PA TULALA? ANO BANG INIISIP MO?" Si Calix na siyang tumabi sa akin habang nilapag ang kape sa lamesa.
Nabaling tuloy ang atensyon ko sa kape na kanina ko pa talaga hinahanap. Gusto ko kasing magkape pero nangibabaw ang katamaran ko. Buti na lang talaga merong Calix na dumating sa buhay ko na sobrang maalaga sa akin.
Nandito ako ngayon sa labas ng aming bahay habang pinagmamasdan ko ang hardin.
"Hindi kita nakausap kagabi dahil parang problemado ka. Kaya hindi kita nagawang istorbohin," ani niya muli.
Oo nga pala. Yung nangyari kagabi, tinamaan ako ng kaba dahil sa mga pinagsasabi ni Zach. Masyadong mabilis para sa kanya na malaman na buhay ang anak namin.
Hindi ko tuloy alam kung paano ko matatago si Juliana. Hindi sila pwedeng magkita ni Zach.
