CHAPTER 96
MAMITA's POV:
"Hija, pagpasensyahan mo na si Zach. Ako na lang ang hihingi nang paumanhin sa'yo... Nahihiya tuloy ako sa kanyang mga sinabi at pinakitang ugali," mahinahon na saad ko kay Jillian.
Hindi ko rin maintindihan ang aking anak kung bakit gano'n na lang siya kung magsalita.
Ngayon na nakita niya na ang malaking ebidensya ay dapat sana ay humingi siya ng pasensya kay Jillian. Pero wala akong narinig mula sa kanya.
But I know, he still loves Jillian.
Ina niya ako. At alam ko ang tinitibok ng kanyang puso.
Siguro ay nagulat lang siya sa mga nangyayari ngayon kaya hindi niya alam kung ano ang dapat niyang sabihin. Lalo pa't may iba na ring minamahal ang babae.
Ang bilis talaga ng panahon. Parang kailan lang ay tinutukso ko pa siya sa anak ko na bagay silang dalawa.
