NAGISING si Sarah nang may naririnig s’yang parang nag-uusap pero unti-unti rin itong nawawala. Inimulat niya ang kanyang mga mata. Kumurap-kurap siya ng ilang beses bago tuluyang naging malinaw ang kanyang paningin. Tumingin siya sa paligid. Nanlaki ang mga mata n’yang makita ang mga kaibigang nakagapos at may takip ang mga bibig nito malapit sa kaniya.
Ngayon lang din niya napansin na may tali rin ang mga kamay niya at may takip rin ang bibig niya. Nagsimula nang lumabas ang mga luha niya dahil sa takot at maalala kung bakit sila narito ngayon. May kumuha sa kanila bago siya nawalan ng malay kanina. Hindi niya alam kung ilang minuto o oras na sila rito. Sinubukan niyang gumalaw pero mukha yatang mahigpit ang pagkakatali sa kamay niya. Sinubukan din niyang magsalita para gisingin ang i
