LUMIPAS ang limang araw hindi pa rin nagigising si Larah. Naging malapit na rin sina Sarah kina David. Maliban sa dalawa na sina Adam at Ziggy na hindi halos umiimik kapag dumadalaw. Ang apat lang kasi ang lagi nilang nakikita. Sina Alex naman gabi lang nila nakikita, umaalis rin kapag magmamadaling araw na. Hindi nila alam kung ano’ng ginagawa ng mga ’yon, napansin lang nilang nagiging busy ang mga ito.
“Miss na miss ko na siya,” nakangusong wika ni Lina habang nakatingin sa kaibigan na wala pa ring malay.
“Ako rin,” sabat ni Mona.
“Ano ba kayo, magigising siya siyempre. H’wag natin siyang sukuan tulad ng ginawa niya sa atin. Maghihintay tayo kung kailan siya magigising,” madamdaming saad ni Jenny habang nakakatitig sa kaibigan.
Napangiti si Sarah sa narinig mula kay Jenny, tama
