Napatingin si Larah sa tagiliran ni Arnold. May baril itong nakasuksok. Napatingin siya ulit sa gawi ni Sarah. Nakahubad na ang isang lalaki sa harapan nito. Ang isa nama’y nakahawak sa dalawang kamay ng dalaga. Wala na siyang oras para magplano ng maigi. Awang-awa na siya sa kalagayan ng kaibigan.
Ipinikit ni Alex ang kanyang mga mata kasabay ng mga luha. Ayaw niyang makita kung paano walang awang pagsasamantalahan ang kanyang kapatid sa harapan nilang lahat. Nagagalit rin siya sa kanyang sarili na wala man lang siyang magawa upang tulungan ito. Bawat paghikbi nito’y tagos sa puso niya ang sakit.
“Ahhhh!”
Napamulat siya bigla nang may humiyaw at putok ng baril. Nanlaki ang mga mata niyang tumingin sa dalawang lalaki na nasa harapan ng kanyang kapatid. Nakahandusay na ang mga ito sa
