Malapit nang matapos ang limang araw na seminar ni Arabella sa Davao. Biglang bigla tumawag ang kanyang boss, pinapaprepare siya nang gamit at ora oradang bumiyahe siya via air noong linggo. Bigla daw nagkaron ng emergency ang kasama nilang nakatoka sa out of town seminar na ito. Nakuha na niya ang style ng boss nila, kung sino ang walang inaatupag na pamilya iyon ang isasabak nito lalo sa mga last minute na out of town. Wala naman siyang inaatrasang pinapagawa ng boss niya dahil palagi siyang available sa mga hirit nito.
" Arabella ikaw ang walang anak, ikaw na pumunta o di kaya ay, wala ka pa namang family ikaw na muna pumunta"
Sa limang buwan na pagtatarabaho niya sa kompanya marami rami na din ang out of town niya, ganun din ang mga taong nakakasalamuha niya. At hindi rin maiwasan
