Nakaalis na't lahat ang sasakyan ni Ric ay nanghahaba pa rin ang leeg ni Tita Malou katatanaw sa bakuran. Hindi ko na rin naman s'ya niyaya na pumasok dahil alam kong abala pa s'ya.
"Is that Ric?" tanong ni Tita, nasa labas pa rin ng bakuran ang mga mata. "Your ex?"
Natatawang tumango ako at kaagad na dumiretso sa sala. Pagod na naupo ako sa sofa, masyadong hectic ang araw na ito lalo na at madami akong kailangang tapusin.
"Noong nakaraan lang ay hinatid ka rin n'ya..." Nakasunod na sa akin si Tita. "Sabi mo nga, hapon na natapos ang meeting n'yo sa kompanya nila kaya hinatid ka na rin n'ya kahit na may kotse ka naman..."
"He offered a ride, Tita. Kailangan ko rin kasing patingnan ang sasakyan ko dahil pa-Batangas ako sa isang araw. Malambot na ang dalawang gulong ko..."
"Kaya nga hi
