"Are you sure you're okay?" nag-aalalang tanong muli ng dalaga. Napansin kasi nitong nagpapantal na ang binata at namumula. Hindi naman na nakasagot pa ang binata at sa halip ay kinuha niya ang maliit na tableta sa bulsa niya. Walang sabi-sabing ininom niya ito kaagad. Nag-aalala naman si Jewel dahil sa hitsura ni Manuel. Parang pagod itong tingnan at namumula. Hindi niya alam kung ano ba ang dapat niyang gawin.
Nilapitan na lamang niya ang binata at tinitigan. Kitang-kita niya kung paanong humupa ang pamumula nito makalipas ang isang oras. Kung tama ang hinala niya ay may alcohol intolerance ito. Hindi siya masyadong maalam sa medical terms or whatever they call it pero may nakilala siyang ka-batch nila ni Kulas noong college. Mababa ang tolerance nito sa alcohol. Noong una ay hindi siya
