“Alam mo namang si Arch lang ‘di ba? Alam mong simula't sapul ay siya lang ang lalaking mahal ko at mamahalin ko. Ayaw kong masaktan ka dahil best friend kita. Ikaw ang nagsilbing guide ko sa buhay ko... ikaw ang nagsilbing kambal ko... ikaw ang kapatid na mayro’n ako... Kaya sana naman... itigil na natin itong usapang ito.” naglandas ang mga luha ni Kulas sa kanyang magkabilang pisngi kasabay ang mahinang hikbi nang mabasa ang mensahe ni Jewel.
Oo lalaki siya pero malambot din naman ang puso niya. Hindi sa lahat nang pagkakataon ay kaya niyang pigilang pumatak ang kanyang mga luha. Paulit-ulit na siyang nasaktan nang dahil sa one-sided love niya rito pero ito na yata ang pinakamasakit. Ang ipaintindi sa kanya na hindi siya mamahalin ni Jewel.
At hinding-hindi mamahalin magpakailan pa ma
