Vincent Thor Vanderbilt (Victor)
Hindi ako sanay na may isang salita na kayang magpa-freeze sa buong sistema ko.
Pero nang marinig ko kay Ysabelle yung “Kuya,” parang may tumama sa loob ng dibdib ko na hindi ko maipaliwanag. Hindi masakit. Hindi rin masaya.
Basta… pamilyar.
At ang pinaka-ayokong parte—hindi ko alam kung bakit pamilyar.
Kaya matapos naming lumabas sa clinic, hindi ako dumiretso sa tunnel papuntang UL. Hindi ako dumiretso sa office. Hindi rin ako nagpunta sa kwarto ni Mia para “makisama” sa drama ni Lucien.
Umuwi ako sa sarili kong villa sa Floresta—yung villa na bihira kong tirhan kasi mas madalas akong nasa lab. Pero ngayon, mas kailangan kong maging malapit.
Mas kailangan kong makita kung okay si Ysabelle, at mas kailangan kong siguraduhin na hindi siya mababasag s
