Chapter 77
Ang sabi nila, ilaan ko na raw ang natitira kong oras sa mga taong alam ko sa sarili kong nagmamahal sa'kin. Hindi natin alam kung kailan muling babawiin ang buhay na ibinigay sa atin ng Diyos kaya kailangan na nating ubisin ang natitirang sandali sa pamamagitan ng pagpapakita at pagpaparamdam nito sa mga taong alam naman nating nagmamahal sa atin, di ba? Bakit natin pag aaksayahan ang mga walang kabuluhang bagay sa ibang tao gaya ng pakikipag away at lihim na pagkamuhi sa kanila? Iilan na lang ang nagkakaroon ng tiyansang itama ang lahat ng pagkakamali nila sa buhay at isa na ako sa mga taong iyon. Gusto kong ilaan ang natitira kong oras sa mga magulang ko, upang ipakita sa kanila na nagsisisi ako sa kapabayaang ginawa ko. Hinayaan kong magpatuloy ang takbo ng panahon nang may bahid ng
- Writer
