"KUMAIN ka na ba?"
Marahan akong tumango bilang tugon sa tanong niya. Nangunot naman ang noo niya.
"Are you okay, Love?"
Umayos ako ng pagkakaupo at inayos ang pagkakatapat sa akin ng phone ko. Pilit akong ngumiti bago tumango.
"I'm just tired," dahilan ko.
Napabuntong hininga siya. "Hindi mo dapat masyadong pinapagod ang sarili mo. You know I'm not there to take care of you. Mabuti na lang ay uuwi na ako sa susunod na araw."
Hindi ko inimik ang sinabi niya.
"Love," tawag ko sa kanya mayamaya nang may maisip. "Anong gagawin mo bukas? Saan-saan ka pupunta?"
"Tungkol pa rin sa seminar ang aasikasuhin ko. Bukas, magsasalita ulit ako as their guest speaker."
"Mas maganda kung dalas-dalasan mo ang pagte-text sa akin. Para alam ko... kung anong ginagawa o nasaan ka... o kung sino ang ka
