البنات في الجيش دفعه ٣

كوكي 😂

مهمات في انتظار البنات

اتجمع وليد وطارق ومحمد في المكتب واتكلم طارق باشا.بقولك ايه يا محمد باشا ما تيجي نغير طريقه تدريب البنات

محمد باشا.مش فاهم قصدك ايه وضح لي اكتر

طارق.يعني ندربهم علي استخدام السلاح وفي نفس الوقت ننمي عندهم قدرات التدمير البشريه ديه نستخدمهم في العمليات الخاصه لكشف الفساد ايه رايك

وليد .والله انا اتعاملت مع البعض منهم وفعلا يا طارق باشا عندهم امكانيه تدمير كتيبه كامله بغبائهم

محمد.طيب مبدئيا انا موافق ع الفكره بس لازم نختبرهم في مهمه مزيفه.نرتب لها ونشوف رد فعلهم هينجحوا ولا هيفشلوا

وليد.ماشي يا باشا بس يا تري ايه المهمه اللي ممكن نخطط لها

محمد.احنا نقولهم ان في شركه استيراد وتصدير اعمالها مشبوهه محتاجين نكشفهم

وليد. تمام وفي مبني إداري قديم في ناس لابسين مدني واحد اسمه كريم وواحد اسمه مايكل هتفق معاهم وندربهم

محمد.طيب علي خيره الله انا هروح اشرح للبنات المهمه وربنا يسترها

....

وراح الظابط محمد علي عنبر البنات

واتكلم الظابط محمد.بصوا يا بنات أنتم مكلفين بمهمه كشف فساد شركه استيراد وتصدير

كوكي. بيستوردوا ايه يا محمد باشا

القائد محمد .صدور فراخ يا انسه كوكي

كوكي .قصدك بانيه يعني طيب و ده ايه اللي هيكون فيه فساد يعني الفراخ مخدتش شاور قبل ما تتقطع ويعملوها بانيه

القائد محمد .اللهم طولك يا روح ابتدي الغباء

مستكه.سيبك منها يا باشا ديه متخلفه اكيد الفساد جاي من الاستيراد نفسه واخدين الفراخ عرض ٢ وعليهم ٢ هديه وبيبعوهم ولاد الكلب المفتريين علي انهم اربعه

الظابط محمد.قسما بالله انا لو جرالي حاجه مش هسامح حد فيكم

نجلاء. والله يا باشا انا عذراك سيبك منهم دول شويه متخلفين انا هقولك الفساد جاي منين تلاقيهم مش بيدبحوا الفراخ شرعي.وبياخدوا الوراك لاهلهم وبيسيبوا الصدور وبيبعوا الفرخه للشركه علي انها كامله ولاد الكلب الحراميه حسبي الله ونعم الوكيل فيهم

طلع محمد باشا التيلفون واتصل ب طارق

(ايوه يا طارق بقولك ايه هات وليد وتعالي واطلب لي عربيه إسعاف واه بقولك ايه انت المسئول عن المهمه ديه واغمي علي محمد باشا والبنات عماله تضحك)

واتكلمت بوسي.تصدقوا يا بنات احنا جامدين جدا فعلا.

مستكه .يا بنتي احنا بنات خارقات?

وقعدوا يغنوا(مين اللي قَالَ دُوَلِ جِنْسِ لَطِيفِ دِهُ كِلاَمَ تخاريف

دِهُ الْواحدَةَ تَجِيبُكَ وَتَوَدِّيكَ تَقَلُّبَهَا عَلَيكِ

دِي بناتَ فاهمه بتعمل ايه يا خَرَابَي عَلَيه

دِهُ اللي بيجي عَلَيهُمْ غلبَانِ?

مين اللي قَالَ دُوَلِ جِنْسِ لَطِيفِ دِهُ كِلاَمَ تخاريف

دِهُ الْواحدَةَ تَجِيبُكَ وَتَوَدِّيكَ تَقَلُّبَهَا عَلَيكِ

دِي بناتَ فاهمه بتعمل ايه يا خَرَابَي عَلَيه

دِهُ اللي بيجي عَلَيهُمْ غلبَانِ)

و جه وليد وطارق لقوهم قاعدين بيغنوا

واتكلم طارق باشا .هم انتم كنتوا بترضعوا ايه وانتم صغيرين عشان تطلعوا كده بجد انا هتجنن

مستكه.سلامتك يا مهند?قصدي سلامتك يا طارق باشا وبعدين ايه كده ديه. مالنا يعني

طارق.مالكم.القائد محمد اغمي عليه انتوا عارفين ده معناه ايه

نانسي.يا لهوي اوعي يكون قصدك اللي في بالي.حامل معقول

واتكلم القائد وليد.انا عرفت دلوقتي كنتوا بترضعوا ايه .اكيد اهاليكم كانوا بيرضعوكم غباء عشان توصلوا للمرحله ديه

مستكه.اسكوزمي يا عم الحاج ده انا متربيه ع السيرلاك ولبن بخيره والزبادي بالقشطه

طارق.طب يلا يا اختي انتي وهي حضروا نفسكم للمهمه

(بعد ما شرح القائد محمد المهمه للبنات حضروا حالهم وراحوا الشركه وقالوا السكرتيره)

السكرتيره. ايوه يا افندم اقدر اساعدك ب ايه

كوكي.عايزين استاذ كيمو لو سمحتي

السكرتيره. كيمو مين حضرتك

مستكه. قصدها يا استاذه .استاذ كريم صاحب الشركه

السكرتيره. اه تمام في معاد سابق

نانسي .ايوه حضرتك احنا جايين للأستاذ كريم مساله حياه أو موت .هو عارف الموضوع قولي له البنات عايزينك يا كيمو ضروري

السكرتيره. حاضر يا افندم دقيقه واحده هبلغه

(دخلت السكرتيرة واتاخرت ربع ساعه)

كوكي.الله يخربيتك يا نانسي مساله حياه أو موت طب هندخل نقولهم ايه دلوقتي .يعني من اولها بنعك كده .ده احنا مش هناخد حبس انفرادي. ده احنا هنتعلق من رجلنا زي الفراخ?

نانسي .يا ستي اهو اللي جه في بالي وبعدين هو احنا بنغلب متخافيش يا بنتي هندخل جوه نظبط الدنيا ونظبط الاداء متقلقيش ?

مستكه.تصدقوا يا بنات انا حاسه ان المهمه ديه هتبقي لوز العنب و يمكن كمان ناخد ترقيه واسمائنا تتكتب مع الابطال والمحاربين?

نجلاء. ترقيه ليه يا اختي فاكره نفسك شغاله في الحكومه .احنا يا اختي متطوعين في الجيش .يعني جايين عشان نتسحل و بس.لو نجحنا يبقي عملنا التدريب بتاعنا ولو فشلنا هيطلع عين اهلنا ونتعاقب?

وطلعت السكرتيره(اتفضلوا استاذ كريم في انتظاركم وبعتذر جدا علي التأخير )

دخل البنات وكان موجود كريم ومايكل قاعدين ع مكاتبهم واتكلم كريم.اهلا وسهلا بيكم

نانسي.هالللو يا ابو الشباب

كوكي.كيفو الحلو

مستكه.اهلا يا شبح

نجلاء. ازيك يا ابو الكباتن

مريم.ايه ده اللي بتقولوه هو انتم بنات

نانسي. لا موتسكلات????

كريم.بقولك ايه اتلمي

نانسي .لاود*كي عند امي ???

كريم.ده انتي دمك خفيف اوي .انتم مين وعايزين ايه. جايين من غير معاد وقال ايه مسأله حياه أو موت

مايكل .اهدي يا كيمو بس ع البنات

نانسي.يسلم لي الحلو بص بقا يا ميكو?

مايكل.ميكو??بصيت يا عسل اتفضلي

نانسي.احنا الشركه الالمانيه لمحاربة الطيور والحشرات

كريم.محاربه ايه يا عنيه?

مستكه .قصدها يا استاذ كريم محاربه الحشرات الزاحفه واللي بتطير

كريم.بس احنا مطلبناش حاجه من حد

كوكي.سمعتكم سبقاكم يا باشا مش محتاجين تطلبوا حد

كريم.نعم يا اختي

نانسي.قصدها يا باشا ان ديه دعايا مجانيه بنعملها للشركات بشكل عشوائي وعموما يا باشا اهو رشه عليك و رشه عليا

كريم.اه وبيتزا كينج التانيه هديه

نانسي .الله ده انت عسل وفهمتنا علي طول

كريم.اه امال ايه بس فيه سؤال معلش لو مش هيدايقكم يعني فين المعدات بتاعتكم

نانسي.قصدك المنوم بتاع الحشرات ? شويه و هيوصل

كريم. ما شاء الله هو انتوا بتموتوا الحشرات بالمنوم

مستكه.لا يا باشا ديه بتهزر طبعا قصدها الدوا شويه ويوصل

كريم.هي الحشرات تعبانه .لا بجد الف سلامه عليها

نجلاء. لا يا باشا قصدها السم.السم يا باشا بتاع الحشرات الوحشه ديه شويه و يجي

كريم.طيب يا بنات تحبوا تبداوا ب أيه؟

كوكي.مفهاش كلام يا كريم برقم تليفونك طبعا ❤

كريم.نعم يا انسه

كوكي.اسمي كوكي يا كيمو

كريم.تمام عايزه رقمي ليه يا انسه كوكي

كوكي .هو مش انت مصري يا استاذ كريم

كريم .ايوه انا مصري بس ده ايه علاقته بالرقم مش فاهم حاجه الصراحه

كوكي .ازاي يا كيمو بس هو انت مسمعتش الاغنيه بتاعه وبحتاجلك وتحتاج لي ما بينا الف حلقه وصل .وبشبه لك وتشبه لي في حب الخير و طيبه الاصل

كريم.انت فاهم حاجه يا مايكل من اللي اتقال ده

مايكل.والله يا كريم انا كل اللي فهمته انها عينها منك وعايزه الرقم .عموما يا سيدي اديها رقمك التاني يا كريم .التاني فاهمني

كريم.اتفضلي يا انسه مستني تليفونك النهارده

كوكي.وبينا معاد لو احنا بعاد اكيد راجل ولو بيني وبينه بلاد?

مستكه.خلاص يا ست الهضبه انتي عايزين نشوف شغلنا

كريم.اللس هو ايه يا انسه مستكه

مستكه.التفتيش يا باشا ع الممنوعات

نجلاء.الله يخربيتك هتودينا في داهيه .قصدها التفتيش ع الحشرات يا باشا

كريم.ما شاء الله انتوا بتدوروا ع الحشرات. تفاني غير طبيعي في العمل

نجلاء.اه طبعا اهم حاجه الاجتهاد يا باشا

كريم.طيب يلا بينا ع المخازن

نانسي. ايوه بقا ونجحنا يا هووووه??

كريم .نجحتي في ايه يا انسه نانسي

نانسي .اصل ديه أول مهمه ليا في رش الحشرات

(ونزلوا البنات في مكان فاضي خالص مفهوش اي حاجه )وده ايه بقا ان شاء الله .ايه المكان الغريب ده

مايكل .ده المكان اللي عايز يترش يا انسه

وهنجيب لكم حاجات تستخدموها لغايه ما توصل المعدات بتاعتكم?وسابوهم ومشيوا

ودخل واحد بمعدات تنضيف(جردل ومقشه وجروف)

نانسي .و ده ايه ان شاء الله حد قالهم ان احنا جايين من شركه نضافه نخدمهم?

نجلاء. العيال ديه مش سالكه خالص علي فكره .تفتكروا ايه ممكن يكون نوع الفساد الموجود في الشركه؟

نانسي.يلا يا بنات نمشي انا قلقانه اوي ونبقي نيجي في وقت تاني ?بقولك ايه يا كوكي الباب مقفول اتصلي علي كريم

كوكي. حاضر هتصل اهوه(اتصلت كوكي علي كريم ورد صوت غريب اوووي)

كوكي. الووو كريم معايا

مصطفي.لا يا انسه معاكي مصطفي القط صاحي بقاله حد لك كيكه

كوكي.خد لك كيكه هو حضرتك بتبيع ايه

مصطفي .م**رات يا انسه ورقمي متراقب نص ساعه وتلاقي الشرطه عندك

كوكي قفلت وكانت مصدومه

نانسي .فيه ايه يا كوكي انطقي مالك متنحه كده ليه.يا بنتي انطقي فيه ايه

كوكي.فيه كيكه لبسناها كلنا

نانسي. يعني ايه

كوكي.يعني الرقم ده رقم راجل بيبع م**رات والشرطة في طريقها لينا

(الكل اتصدم واغمي عليهم وصحيوا من النوم لقوا نفسهم مربوطين وواقف ادامهم راجل لابس اسود ومسحل)

بعد ما فاقوا البنات لقوا نفسهم مربوطين وادمهم راجل مسلح ومخبي وشه وقعدوا ال٣ يعيطوا

كوكي. والله ما اعرف حاجه عن الحشيش يا باشا احنا اصلا جايين هنا بالغلط والله صدقنا

واتكلمت نانسي

نانسي.انا هعترف لك بكل حاجه يا باشا منه لله .منه لله طارق باشا هو السبب في كل ده اصل احنا متطوعين في الجيش وقالولنا ان فيه ناس فاسدين زيكم واحنا لازم نكشفهم بس الشهاده لله كيمو وميكو ميعملوش كده خالص دول شكلهم ولاد ناس

واتكلمت مستكه.بص يا باشا انا هعترف لك بكل حاجه في واحد هناك زي البغل اسمه وليد وواحد مفتري اسمه محمد باشا وراجل عجوز كده عامل نفسه شرس بس هو دماغه تعبانه يا باشا اسمه وليد بيه هما اللي جندونا يا باشا عشان نفضحكم .وخطفوا اهلنا وهددونا يقتلوهم عشان كده وافقنا ع المهمه ديه .صدقنا يا بيه احنا علاقه واضحك علينا كنا مجبرين نساعد اهلنا

.ارجوك سامحنا يا بيه

وخلع الراجل الماسك والكل اتصدم لما لقوا ادامهم طارق باشا

مستكه .طارق باشا حبيبي كنت لسه بجيب في سيرتك اوعي تكون صدقت كلامي ده تكنيك بس عشان نقدر نكمل ونرجع لكم بالسلامه

ودخل مايكل وكريم

كريم.ازيك يا طارق باشا .كل اللي اقدر اقوله ان البنات ديه لازم تدرب في المطبخ وتغسل المواعين

نانسي. ايه ايه ايه ايه يا عنيه مواعين .ده انا اتطوعت في الجيش عشان اهرب من المواعين

مستكه.بس يا نانسي يا متخلفه علي فكره يا كريم باشا احنا اشطر منك واحسن منك واذكي منك والدليل يا باشا ان احنا قنوات خاصه وانت اداري??

كوكي. ايوه بقا قصف جبهه.يا عيني عليك يا كيمو مفيش دكتور يخيط لك الجرح

(والبنات ماتوا علي نفسهم من الضحك)

القائد طارق.سيبك منها يا كريم ديه متخلفه مش فاهمه اصلا هي بتقول ايه

نجلاء . علي فكره يا كريم بيه مستكه عندها حق احنا احسن منك مليون مره ومتحاولش تقلل مننا عشان انت مش ادنا

مستكه .ولو عقلك وزك تقلل هنخليك ع الشوك تكمل

كوكي. ولو فاكر اني بنت ضعيفه هتشوف يا ابن الخفيفه

نانسي.في حاجات تتحس ومتتقالش وان جيت اطلبها انا مقدرش

كريم.طبعا يا انسه نانسي عايزه رقم التليفون واجي اطلب ايدك من باباكي

نانسي .احلف يا كيمو احلف?انت بتتكلم بجد

كريم.واضح ان انتم شاطرين في لغه الشبحنه يا بنات اما في لغه الجيش متعرفوش حاجه يعني بالعربي كده انتوا بفتيك?

مستكه.ايه بفتيك?يعني ايه بفتيك يا كريم باشا .بس هو الكلام غريب جدا ومفهمتش منه حاجه بس عجبني الصراحه?

القائد طارق فشلتوا كالعاده يا شويه بقر وهترجعوا ع العنابر بتاعتكم لغايه ما القائد وليد يحدد العقاب المناسب ليكم

كريم.ممكن يا طارق باشا تنزل الانسه كوكي معانا تدريب واهي تخف عنك شويه؟

طارق خلاص هبلغ محمد باشا ولو وافق هتنزل من بكره تدرب معاك اهو نستفاد منهم ب اي حاجه

واتكلمت نانسي. جرح تاني هو قلبي لسه طاب من الأولاني?

القائد طارق.يلا يا حلوين عشان عقاب المهمه ديه مع القائد وليد

(يا تري القائد وليد هيعاقبهم ازاي ده اللي هنعرفه الجزء الرابع)