البنات في الجيش دفعه ٣

مقالب البنات في الجيش

الجزء ٢

بعد ما استعدوا البنات واتفقوا علي الانتقام من القائد محمد

تاني يوم وقفوا في الصف واتجمعوا واتكلم القائد طارق

عامله ايه يا مرمر دلوقتي شايفك زي الفل ما شاء الله ?

أميره.طبعا يا طارق باشا انا حلوه وصغيره والوقعه عندي يا دوبك يوم وبقوم علي طول.ده انا متربيه ع العز و اكل الوز يا طارق باشا. ده انا بفطر محشي واتعشا ممبار واتسحر كورارع?

القائد طارق. ايه يا بنتي البكابورت ده اهدي علس نفسك شويه .و ياريت بعد كل الطفح ده??قدرتي تعملي حاجه عموما يا ستي يارب دايما تكوني زي الفل

واتكلم القائد محمد.ها يا بنات النهارده في ٢ هيورحوا التمرين مع القائد طارق للسباحه ها يا بنات مستكه ونانسي يلا مع طارق باشا

واتكلمت مستكه.اموت انا وأعيد السنه.يا حلاوتك في الشعر الابيض يا باشا.عسليه اقسم بالله. يا سيدي يا سيدي ده انت شبه الأتراك ?

القائد طارق .لا متستعجليش علي رزقك يا انسه حبهان هتتسحلي وهتموتي وهتقولي حقك برقبتي.يعني هتدلعي آخر دلع يا حبهان اوعدك??

مستكه.اسمي مستكه يا طارق باشا.مسمحش لحد يتريق عليا ?

طارق.مستكه ولا حبهان اهي كلها توابل ?

مستكه بتكلم نفسها(يا ساتر علي تقل دم امك.عجوز خرفان صحيح)

واتكلمت نانسي. علي فكره يا طارق باشا انتي من بره شكلك شرس لكن من جواك كيوت. بموت انا في الشبحنه

القائد طارق. لا بجد انا مش مصدق نفسي. انتوا جايين منين يا بنات وايه الطريقه اللي بتتكلموا بيها ديه. ده انتم عايزين ربايه من أول وجديد

مستكه.لا اسكوزمي يا عم الحاج احنا عمالين ننفخ فيك من الصبح عشان متسحلناش معاك وأول ما تفرقع هتفرقع فينا يا عم ولا بنحب الشعر الأبيض ولا زفت ولا بنحب المتوحشين و علي فكره انت مش شكل الأتراك ولا حاجه ده انت شبه القرموطي??بس كنت بجاملك.

احنا عايزين شباب يدربونا يا باشا.عايزين ندرب بنفس كده.عشان نقدر نكمل في الجيش اللي اتهببنا فيه?قصدي اللي اتطوعنا فيه يا باشا

القائد طارق.طيب يا انسه مستكه بناء علي طلبك هيدربك اليوم الكابتن وليد ابو كف حديد. و ده مش اسم ده لقب عشان اي غلطه هتلاقي قلم نازل علي وشك أو افاكي انتي ورزقك بقا يجي لك طرش يجي لك حول اسنانك تقع أو يغمي عليكي .انتي و رزقك يا انسه.فاهمه يا اميره الشباب

مستكه. علي فكره يا طارق باشا انت متعرفيش انا ولا بتهز ولا بخاف.ولا بيهمني كف حديد ولا كف عفريت التاني يا باشا للموز وليد. قصدي وليد باشا وانا هشرفك?

طارق باشا.اخر حد قال الكلام ده يا انسه مستكه بقاله ٣ شهور ايده متجبسه??? عموما انا متحمس جدا لتجربتك مع القائد وليد.have fun???

بدأت التدريبات ل اميره وكوكي ونجلاء مع القائد محمد

ونانسي كانت بتتمرن مع القائد طارق

القائد طارق.ها يا انسه نانسي مش كفايه كده اطلعي حرام عليكي تعبت رجلي ورمت بقالك ساعتين في الميه

نانسي.ابوس ايدك يا طروقه حاسه اني في الجونه سبني اعوم شويه .ده البت اميره طلعت فقريه ?ده انت الشغل معاك دلع .قصدي التدريب معاك دلع

ما تيجي تنزل تعوم شويه طري علي قلبك يا باشا .وربنا الميه حلوه

وقعدت تغني وهي بتعوم وطارق هيموت من الغضب

(بغير عليها حتى لما تسلم ع الناس

وليه يلمسوا ايديها مايشاوروا كدا وخلاص

ومهما تقولى عليا ده مجنون بيا آه وفيها ايه

عايزة واحد معاه الجمال ده كله ازاى مايغيرش عليه

انا اخترتك انا فضلتك انا مش عارف اقولك ايه

فيه حد ف الزمن دا لاقى حد بجد يخاف عليه

ومهما تقولى عليا ده مجنون بيا آه وفيها ايه

عايزة واحد معاه الجمال ده كله ازاى مايغيرش عليه

ده انا بموت لما بشوف حد عينه بتيجى عليكى

ببقى عايز اخد عينيه من قبل النظرة ما توصل ليكى

ومهما تقولى عليا ده مجنون بيا آه وفيها ايه

عايزة واحد معاه الجمال ده كله ازاى مايغيرش عليه)

القائد طارق. يا بنتي يا بنتي حرام عليكي فرهدت منك بقالك ساعتين في الميه رجلي ورمت

حرام عليكي اطلعي بقا

نانسي.يوووه الواحد ميعرفش ياخد حقه في التدريب. طب بقولك ايه اقف واديني ضهرك وارمي نفسك في الميه وانا هلحقك.وقولي لو ده هيثبت لك اني بحبك .ونط?

القائد طارق. اطلعي يا نانسي الكلب بدل ما اطلعك من الميه واخدك علي اعلي شلال واحدفك من فوق اطلعي يا بت?بدل ما اكهربك انتي فاهمه

نانسي. انت فاكرني هبله زي البت اميره هتكهرب الميه ازاي يا باشا عموما متزعلش انا خلاص هطلع

وأول ما طلعت اميره كهربها طارق وأغمي عليها

أما عند مستكه

مستكه.هالو يا كابتن وليد سمعت عنك كلام كتير بس شكله مش حقيقي شكلك كيوت وابن ناس.اينعم الشكل يخوف بس اكيد جواك كيوت انا احساسي مش بيخيب ابدا?

وليد .اسمعك ايه يا عسل

مستكه.ايوه بقا فكها يا عسل انت انا اسمي مستكه .وممكن تناديني ب ميمي .

وضربها القائد وليد بالقلم علي وشها.

القائد وليد .أول حاجه تتكلمي ب احترام و ديه القاعده رقم ١ في التدريب فاهمه يا انسه

مستكه.انت مجنون.انت ازاي تعمل كده ازاي تسمح لنفسك تمد ايدك عليا.

القائد وليد. احمدي ربنا اني راعيت انك بنت واتعاملت ب ايدي? تحبي يا انسه تبدأي بالزحف ولا التسلق ولا يا انسه الجري.

مستكه.الجري انا هبدأ بالجري

القائد وليد .طيب يا انسه مستكه معاكي ٣٠ ثانيه قبل ما افك الكلاب تطلع تجري وراكي توصلي لاخر السور في دقيقتين

مستكه.لالالا ابوس ايدك لا ابوس ايدك يا كابتن وليد بلاش كلاب

القائد وليد. الوقت بدا يا انسه اجري يا مستكه

مستكه. طلعت تجري مستكه وعماله تعيط وتكلم نفسها(ربنا ياخدكم كلكم يا رب منك لله يا طارق انت ومحمد ووليد .اللهي يا رب يتحط عليكم يا بقر?وأول ما لمحت الكلب قعدت تصوت واغمي عليها ونقلوها المستشفي .

وراح القائد طارق والقائد وليد المستشفي يطمنوا علي مستكه و نانسي

ودخل القائد طارق علي نانسي

القائد طارق.ازيك يا انسه نانسي عامله ايه كنت قلقان عليكي جدا.اصل الميه بتاعه الجونه شكلها اثرت عليكي من جمالها??

نانسي. منك لله يا شيخ اللهي يا رب يجي لك روماتيزم في رجلك والتهابات في رجلك يا شيخ منك لله.

القائد طارق.بتقولي ايه يا نانسي

نانسي .بدعي لك يا باشا اصلك ابن حلال وتستاهل?

القائد طارق. طيب شدي حيلك يا نانسي عشان تكملي تمارين معايا مش عاجبك التدريب معايا برضه ?

نانسي.امشي يا طارق باشا انا هتخمد عشان واخده منوم?

امشي لو سمحت اطلع بره دلوقتي

وقعد طارق يضحك عليها وسابها وطلع

وراح وليد يزور مستكه لقتها بتتكلم مع الدكتور فضل واقف يسمعهم وهي مش شيفاه?

مستكه.لا يا دكتور انت مش متخيل هو عمل فيا ايه .ده مش ابو كف حديد ده ابن كلب وحيوان ?ده بهدلني تخيل ضربني بالقلم علي وشي وطلع الكلب يجري ورايا.ربنا ياخده يا شيخ. اللهي ربنا يهده.

القائد وليد .حمد الله على السلامه يا مستكه

مستكه.خير يا وليد بيه لو جاي عشان تطمن عليا ف انا مش كويسه خالص ومتمرمطه? ولو جاي عشان تتأسف علي اللي عملته فيا وتريح ضميرك اعتذارك مش مقبول ?

القائد وليد. لا يا انسه مستكه انا جاي اقولك ادامك ٣ ساعات وترجعي ع التدريب واعملي التمارين اللي معملتيش منها حاجه خالص بدل ما أوريكي الوش التاني

(وسابها و طلع)

وفضلت مستكه تدعي عليه. ربنا ياخدك يا شيخ .ربنا ياخدك وما تلحق ترجع التمرين .ربنا ياخدكم كلكم يا مفتريين??

و بعد ما رجعوا البنات اتكلم القائد محمد.يا بنات انتم محتاجين خروجه حلوه كده تفكوا بيها عن نفسكم محتاجين نتعرف علي بعض اكتر

مستكه.والله يا باشا الواحد مبقاش مرتاح ل اي حد فيكم الله اعلم لو وافقنا هتسحلونا فين تاني

واتكلم القائد وليد. متقلقيش يا انسه مستكه طالما القائد محمد قال كده يبقي هتخرجوا خروجه جامده جدا?? يا تكاتك يا خروجاتك يا قائد محمد

وكلمت نجلاء نفسها.بقا ديه شكل ناس تعرف تخرج وتفرح دول عالم نكد??

أميره .طب سؤال صغنن يا باشا هو احنا لما هنخرج معاكم هنلبس لبس الجيش ولا لبس عادي

القائد طارق.البسي اللي يعجبك يا مرمر بس علي مسئوليتك لو حد دايقك??

أميره. ليه يا باشا هو انا خارجه مع ابن اختي .ده انتم ما شاء الله فيكم راجل طول ب عرض لو نفخ في اي حاجه هيوقعها

(القائد وليد مسك قلبه??)

ااااااه مش قادر الحقني يا محمد الحقني يا طارق بيه قلبي واجعني ومش قادر اتنفس حاسس ان فيه حاجه واقفه في زوري

أميره .الله الله الله ده انت بتغزي العين بقا يا وحش. بالذمه ده جسم يأثر فيه حاجه ???

القائد وليد .ااااه يا بطني مش قادر الحقوني الحقني يا محمد باشا .الحقني يا طارق باشا

أميره.ده انت بتمثل بقا ده انت أسد ووحش الكون ومش بيأثر فيك الهوا

(و هنا اغمي علي وليد باشا ومحمد و طارق طلعوا يجروا)

.اميره .ايه يا بنات بتبصوا لي كده ليه .ده انا خلصتكم من واحد من المفتريين دول

وطلعوا البنات يجروا

اميره. ايه ده هما خافوا مني ولا ايه

ده انا عملت كده عشانهم

يا شويه بقر حاضر كل واحده دورها جاي

راحت اميره علي مكتب القائد محمد

اميره.يا باشا مش لاقيت اصحابي اللي كانوا معايا روحت العنبر ولا واحده موجوده هما راحوا فين

محمد. مبروك يا انسه اميره تم الاستغناء عنك مش هينفع تكملي في التدريبات عشان انتي فشلتي.فشل ذريع.انا وقعت علي الورق بتاعك وتقدري تمشي.وسلمي ع الست الوالده قولي ليها القائد محمد بيقولك حجره زرقا وبخري

اميره.حجره زرقا وبخري انت بتشعوذ ولا ايه يا محمد باشا. طب ده انت مش محتاج لا حجره زرقا ولا بخور

(لسه هتكمل كلامها طلع القائد محمد المسدس

محمد.قسما بالله يا اميره الكلب لو مطلعتي من هنا لاضربك بالرصاص ما هو لازم واحد فينا يعيش.مش هسيبك تموتيني مشلول من عينك

أميره.خلاص خلاص يا ساتر عليك. متبقاش خفيف كده .انا همشي يا باشا وبلغ تحياتي ل كابتن طارق ووصل التعازي لاسره الشهيد وليد ابو كف حديد

?????قال كف حديد قال .الراجل مات من غير ما يترزع ولا كف.حقيقي يوضع سره في أضعف خلقه

سلام يا كبير

???????

ودخلوا البنات للقائد محمد.

كوكي. هاااا يا باشا مشيت

محمد.ايوه ادتها ورقها ومشيتها

نانسي.متأكد يا محمد بيه انها مرمتش عمل هنا ولا هنا ديه البت مفعولها جبار

محمد.اهدوا يا بنات متخافوش معملتش حاجه

[ مستكه.اللي انا مستغرباله ازاي ابو كف حديد يقع بمنتهي السهوله كده مع انه بغل ما شاء الله .ازاي البت اميره رقدته زي الجاموسة

ودخل القائد وليد

والكل اتخض

واتكلمت مستكه.هو البغل ما ماتش

قصدي الجاموسه قامت

قصدي انت ما موتش يا وليد

القائد وليد .انتي متخلفه يا بنتي .الموت ده بتاع ربنا مش بتاع البت اميره واللي حصل ده مسرحيه عشان مامتها تعبانه جدا من ساعه ما البنت مشيت وكان لازم نمشيها

كده كده انتم شويه متخلفين وفاشله

جايين هنا عشان تحرقوا دمنا وتضيعوا وقتنا وكويس انكم نقصتوا واحد

نانسي.ليه كده يا باشا ما السنه اللي فاتت طلع بنات زي الفل واتخرجوا واتجوزوا وخلفوا

مستكتر علينا نفرح ليه

هااا

ليه

محمد.متردش عليها يا وليد عشان دول اصلا جايين يشقطوا عرسان وأولهم البت اميره اللي مشيت.

بس هنعمل اللي علينا وندربهم.ونخليهم يعرفوا ان الله حق?

وليد .طيب يا باشا انا هاخد نانسي ونطلع تدريب خارجي طول اليوم ويارب متخذلني.لاحسن ضغطي عالي ومش عارف لو زودته ممكن اعمل فيها ايه

نانسي.عشمان فيا اوي يا سكر .بس اوكيه.اتقل زياده هتاخد الافاده

وليد.لا يا سكر اشتغلي مظبوط لتمشي ع الحدود

نجلاء. انا عندي حته حلوه اوي في اللقطه ديه ممكن اقولها

محمد .ده احنا جايين نلعب بقا

اتخرسي يا نجلاء.بدل ما اود*كي مستشفي الجلاء??

نجلاء.الله ده انت جامد زيي اهوه

القائد محمد.خلاص يا وليد خد نانسي وآخر اليوم عايز تقرير ب أدائها النهارده تمام يا باشا

وخرج وليد ونانسي وراحوا كافيه وقعدوا يشربوا قهوه

نانسي. انا فرحانه اوي اوي اوي يا وليد متعرفش كانت وحشاني القاعده ديه ازاي.القهوه روووعه.الله تحفه بجد.تسلم ايدك

وليد. هو انا اللي عاملها يا مجنونه?.انتي مرتبطه يا انسه نانسي

نانسي.هاااا بصراحه لا ومش بفكر خالص في الموضوع

انا مجتش الجيش عشان العرسان زي الهبله اميره .كان ممكن تتعرف علي حد في النادي أو في أي حفله أو اخو صاحبتها مثلا .بس هي ع**طه

وليد.ما شاء الله عندك خبره كبيره في ازاي تشقطي عريس.المهم قدمتي ع الجيش ليه

نانسي.اصل البت زينت بنت خالتي دكتوره وانا متخرجه من كليه تجاره

وفكرت اعمل حاجه تخليني احسن منها عشان تبطل تتمنظر عليا بنت المبقعه ديه?

وليد.تعرفي كنت اسمع ان البنات بتغير من بعض.وكنت اسمع ان البنات عندهم أفكار متخلفه

مكنتش متاكد من المعلومه بس انتي اكدتيها

يا بقره محدش احسن من حد.كل واحد ربنا ميزه بحاجه تخصه.ومش معني انها دكتوره يبقي احسن منك.ومش لازم ترمي نفسك في حاجات فوق قدراتك عشان تثبتي لحد انك احسن منه

اشتغلي علي نفسك لنفسك و بس

نانسي. كلامك حلو يا كابتن وليد. هحاول اعمل بيه.المهم هو انت مرتبط

وليد.يلا يا اختي عشان نروح مكان التدريب

بعد ما قام الكابتن وليد ونانسي راحوا مكان غريب جدا وكان في راجل غريب هناك مستنيهم

نانسي. يا لهوي مين ده وعايز مني ايه.ارجوك ما تعملش فيا كده يا كابتن وليد .خد كل اللي انت عايزه بس متعملش كده

كابتن وليد. انتي متخلفه يا بنتي الراجل ده موجود هنا عشان

نانسي .عشان يغتصبني ارجوك متعملش كده فيا. ارحمني يا وليد

كابتن وليد.لا يا روح امك اسمها الحقني يا وحيد ده انتم عليكم كميه تخلف غير طبيعيه . وبعدين يغتصبك بتاع ايه يا متخلفه انتي جايه تدربي ولا جايه تلبسي الراجل مصيبه. عموما الراجل ده مهمته هتكون قتلك.هيطارك يا نانسي ودورك انك تبقي علي قيد الحياه لأطول فتره ممكنه وانصحك من دلوقتي تشغل مخك وتستعدي بسلاحك

نانسي.يا لهوي يعني النهارده آخر يوم ليا في الدنيا. الله يسامحك يا ماما انتي اللي بعتيني للجيش والله يسامحك يا اونكل احمد عارف يت كابتن وليد قالي ايه .قالي بعد ما اخلص فتره التدريب هاخد مكافآت لوكشه فلوس حلوه كده واقدر اشتري لاب توب جامد واطلع مصيف وادلع اتاريتي هقعد هنا وهولع? اه ياني اه ياني ياني علي ركبي اللي وجعاني بقولك ايه يا طارق باشا لو سألتك انت مصري تقولي ايه

وليد باشا. اقولك انا ابن كلب اني طلبت اخدك تدريب خارجي.ده عبال ما تخلص كده التدريب بتاعتكم اكون دخلت العنايه المركزه عموما استدعي يا اختي عشان جلال سريع جدا وهيجيبك من افاكي

نانسي.طيب يا باشا عايزين افرهد الراجل ليه ما انا متلقحه ادامه يا وليد بيه?

كابتن وليد .نانسي حاولي تبقي لأطول فتره عايشه

(وكلم الراجل.عايزك تقوم بتدريب قاسي ومترحمهاش .

جلال.علم وينفذ يا افندم

كابتن وليد .مع السلام يا نانسي والفاتحه علي روحك يا طيبه

نانسي .ربنا يهد المفتري?

(مشي كابتن طارق وقرب منها الراجل )

جلال.انسه نانسي هعد لغايه ١٠ تكوني خدتي موقع استخبيتي فيه عشان انا هضرب نار عليكي و لو مسكتك عقبالك هيكون اسوء من ضرب النار

نانسي. والله هيكون ايه يعني .هتعملني سندوتشات جمبري بالطحينه ولا هتحطني في المفرمه وتعملني كفته فراخ?

جلال. واحد اتنين تلاته (بدا العد وطلعت نانسي تجري وبدا ضرب النار)

نانسي. خد خد خد يا رب تموت يا رب تموتوا كلكم .بتتشطروا عليا عشان انا موزه غلبانه خد خد

(فضل الراجل يضرب عليها نار وعمل نفسه متصاب وطلع

وطلعت نانسي جري وفضلت ترقص وتغني

(يا حلاوتك يا استفندي يا ابن عم البرتقان.يا حلاوتك يا استفندي يا ابن عم البرتقان.ادي جلال حبه عشان يزيد محبه يا حلاوتك يا استفندي يا ابن عم البرتقان.روحنا واتغدينا وحمام واتعشينا يا حلاوتك يا استفندي يا ابن عم البرتقان.جلجل كل قلقاس ما هو ده الأساس يا حلاوتك يا استفندي يا ابن عم البرتقال.كل يا جلجل بيض عشان تبقي حديد.يا حلاوتك يا استفندي يا ابن عم البرتقان

جلال جاله انهيار عصبي واتصل ب وليد

(جلال.الحقني يا كابتن وليد حاسس ان قلبي واجعني وهيغمي عليا تعالي بعربيه الاسعاف.واغمي عليه

نانسي.الاول????ده انا جامده جدا والله

وعند طارق باشا.ممتاز يا بنات انتم النهارده عملتوا التدريبات بشكل كويس جدا.لو فضلتم علي كده هدرس الموضوع مع القائد محمد وتطلعوا تدريب خارجي هتتبسطوا اوي

كوكي.هيهيهي خارجي قال خارجي قال هو انت متعرفش يا طارق بيه

مستكه.هو انت مدرتش يا طارق باشا

طارق.الله يخرب بيتك يا كوكي علي بيت مستكه.فيه ايه يا بنتي انتي وهي انطقوا

مستكه.نانسي يا باشا رجعت من التدريب الخارجي ع الحبس الانفرادي عدل

القائد طارق.فقر استغفر الله العظيم يارب. انتم فقر بجد اكيد هببت حاجه .

كوكي.لا يا باشا حاجه بسيطه متستاهلش بيقولوا الراجل اللي كان بيدربها جاله شلل رعاش وبعدين فقد حاسه النطق وبعدين تقريبا يعني فقد حاسه النظر وهو حاليا في العنايه المركزه دلوقتي.

الكابتن طارق الله يخرب بيتكم ده انتم قوه بشريه مدمره.ديه تستاهل تترمي اسبوع كامل وانتم معاها كمان. الله يخربيوتكم ده احنا لو سبناكم علي اي عدو هيستسلم بس عشان يخلص منكم.انا هتناقش مع القائد محمد ان احنا نجرب نستفاد منكم بطريقه تانيه. ونشوف يمكن تنجحوا

يا تري القائد محمد هيوافق ع الفكره ولا لا و يا تري ايه المهمات اللي هتتحط ليهم ده اللي هنعرفه في الجزء التالت