CAROL POV
"Bakit? May problema ba?"
Mabilis akong lumingon ulit sa boyfriend ko, "Wala, basta ang usapan nating dalawa ay wag ka nang hihingi ng kahit na piso galing kay Alvin. Matatanggap ko pa ang bisyo mo sa alak at sigarilyo pero iwasan mo lang ang pag tanggap ng ano man galing sa kanya."
"Ikaw ang bahala. Ikaw ang boss ko kaya ikaw ang susundin ko."
Binilisan n'ya ang kanyang pagkain at nilabas ang kanyang wallet. Kinuha n'y ang lamat nito hanggang sa nakita kong kumuha s'ya ng limang libo at iniabot ito sa akin.
"Baka lang makalimutan ko o baka magastos ko pa kaya ikaw na ang magtago. Itabi mo na sana o ibigay sa mama mo para wala s'yang masabi sayo. O kaya ay ibili mo ng gamot para sa kanya."
Tinanggap ko kaagad ang pera at binulsa ko ito. "Maraming salamat sayo, Ced ha? Nako
