Kinabukasan ay maagang umalis si Leonart para puntahan ang mga kabanda nya. May practice sila ngayon at okay naman na sya kaya pwede na ulit syang sumabak sa tugtugan. Kahit na tumututol si Sophie ay wala din itong nagawa. Gusto sana nito na magpahinga muna sya kahit dalawang araw lang pero hindi nya kaya. Tinatawag ang katawan nya ng musika. Maaga din na umalis si Sophie kanina matapos itong matulog sa bahay nya kagabi. Binantayan sya nito buong magdamag at ngayong umaga ay kailangan na nitong pumasok sa clinic. Kanina pa nya tinitingnan ang cellphone pero walang text doon si Draco na manunundo ang mga ito kaya minabuti na lang nyang gamitin ang sasakyan nyang mustang.
Habang daan ay tahimik lang syang nagmamaneho. Hindi pa din maalis-alis sa isip nya ang sinabi ni Sophie sa kanya kahapo
