7

2678 Words

مرام : الحمدالله انتي شلونك وش اخبارك !! احلام : انا بخير ولله الحمد وشلون امي وابوي وفهد مرام : يسلمون عليك و مشتاقين لك مررره تصدقين والله البيت من دونك ولا شي و اكثر من طفى بالبيت فهد الحين تلقينه عند ربعه مانشوفه و امي تدور لها على شغله تخليها مشغوله والوالد بالشغل !! احلام : اوووف لهدرجه البيت يملل طيب وانتي وش مسويه ??! مرام : كالعادة ياعلى الكمبيوتر او الجوال .. المهم انتي شلونك وش اخبارك وش اخبار حبيب الئلب اسوم ؟؟!! احلام بتن*د : الحمد الله بخير بس لو تشوفين البيت اللي مسكني فيه وش تقولين بيت امراء لاإله إلا الله ... مرام : تستاهلين يا اختي العزيزه بعد هذا و شوي عليك على البركه انشاالله بس هاه خلي لي غرفه بجي بنام عندكم ترى ما اثق فيك يمكن تروحين من هنا ولا هنا و لا تسوين حركتات افيد و استفيد هههههه.. احلام : تسلمين ياعمري ابشري بس انتي تعالي و انا اوريك الحركتات على اصوله ... مرام : اصلا ماني مشاورتك قاعده على قلبك وجايه ... المهم شكلي طولت عليك اسمعي فهد يقول خليها تفتح حدى دروج التسريحه مخلي لك مفاجئه ,,, احلام : ههههه عاد مفاجئات فهد ما تنعرف الله يستر بس لا يكون مخبيلي حشرات زي ذاك اليوم .... مرام : هههههه لا لاتخافين اكيد بيعقل و يجيبلك شي يفرحك احلام : طيب نشوف !! مرام : يالله عاد هاذي امي تنادين شكله جا دوري على الهواش و الطقه .. احلام : سلمي عليهم كلهم اوكيه شوفي لا تنسون تجون اليوم حوالتي عند اهل اسامه وانتي تعرفين لسى ماتعودت عليهم اوكيه مرام : انشاالله يالله باي احلام : باي .. وسكرت منها ونزلت تحت عشان تزين قهوة لأسامه قبل مايجي من الصلاة دخلت المطبخ و طلبت من الخدامه تساعدها لأنها ماتعودت على المطبخ الجديد خلصت تحضير القهوة والشاي و طلعت من الثلاجه صواني الحلا اللي حاطها لها اسامه و حطتهم بالصاله و جلست تنتظر ...!! طلعوا من الصلاة بس اسامه ماجا دقت عليه بالجوال بس مايرد عليها و حاولت ثانيه وثالثه ورابعه بس لا مجيب حست احلام بنفسها انها ماهي مرغوبه من قبل اسامه حاولت انها تمحي هالتفكير من راسها بس ماقدرت فصبرت و قالت : اكيد طرى له شغله و تأخر تقهوت و حاولت انها تاكل تحلي ريقها شوي بس انسدت نفسها..،.. اذن المغرب و اسامه لسى ماشرف فنادت الشغاله تشيل القهوة والشاي وراحت لغرفتها وتركت جوالها تحت بعد ماخلصت من الصلاة تذكرت انه اخوها العزيز تارك لها مفاجئة فجلست تدور عليها ولقتها كانت عباره عن علبه سوداء فيها ساعه و فيها كرت مكتوب فيه " الله يوفقك ويسعدك وان بغيتي شي ترانا في الخدمه اخوك فهد " ابتسمت ودمعت عيونها و اشتاقت للبيت اللي ابتسامتها ماتروح فيه و ملاحقتها لخوها فهد و فلسفة اختها مرام و هواش امها و دلال ابوها لها رفعت راسها و تمنت انه الأيام ترجع فيها لبيت ابوها بس الشغاله قاطعتها وقالت : مدام جوال انتي فيه رن رن .. احلام : ايه عطيني اياه ،؛، وكان المتصل اسامه فردت عليه : هلا اسامه : لي ساعه اتصل فيك وينك فيه ??! احلام بخوف : كنت بغرفتي وناسيه جوالي تحت بغيت شي !! اسامه بعصبيه : ياالله تجهزي بجي باخذك ?!! احلام : لوين !!? اسامه : للأستراحه اهلي هناك ينتظرونك !! احلام : طيب انشالله !! بعد ماسكرت خافت من اسلوبه معها بس نقزت لدولابها تختار لها فستان يلفت الأنظار لبست و حطت ميك آب و زينة شعرها و نزلت تحت لقته واقف عند الباب ينتظرها طلعت له و كانت لابسه عبايتها و نقابها اللي ابرز عيونها مع المكياج لما شافها اسامه ماصدق جمال عيونها فقال في نفسه : لا إله إلا الله هاذي انتي يا احلام والله طلعتي منتي هوينه.... فبسرعه قال لها : غطي عيونك .. احلام باستغراب مضحك : انشالله !! و صلوا للأستراحه اللي كانت مليانه من السيارات والرجال والشباب اللي واقفين عند البوابه نزلها اسامه و راح يقوم بالواجب عند اهله استقبلتها ساره اللي ماشافتها لها يومين واللي كانت متحمسه لتشوف زوجة اخوها ،...،...، ساره : اهلين توها تنور الاستراحه احلام : هلابك ساره : واخيرا شفتك تعالي تفضلي الكل ينتظرك احلام : عاد ساره انقذيني لا تخليني بروحي اوكيه ساره : هههههه لا توصين حريص بلزق فيك لين ياخذك اخوي .. ودخلوا وكان الكل منبهر في لبسها ومكياجها رغم البنات اللي غطوا عليها بالمكياج بس هي كان وجه جديد عليهم سلمت على خالتها ام اسامه و جدتهم حصه اللي كانت ساره دايما تتكلم عنها و عمات اسامه و كانت ساره اهي اللي قاعده تعرفها عليهم بعد كذا جلست احلام و كانت متوجعه من رجلينها لأنها لابسه كعب عالي من كثر اللي تسلم عليهم نادت ساره البنات اللي على كبرها وكبر احلام و حمدت ربها وشكرته انه فيه بنات كبرها متزوجات تعرفت عليهم و سولفت معاهم و أول من ارتاحت معه كانت وحده اسمها لينا و ثانيه ديمه وبنات حولها : ديمه : ياحليلك يا احلام ترى لا تستحين جربنا قبلك الحيا بس مع ساره مانفع ههههه ساره : احم احم ترى نحن هنا عاد الحين اقدر اتشرط عليكن لأنه معي دفاع زوجة اخوي تراها ماهي هوينه لا يغرك الحيا احلام : هههه ايه افا عليك بس انتي اذكري اسمها وانا اتولاها .. لينا : يؤيؤيؤيؤيؤ من الحين اجل وين اختي بس لا يهجمون علي الحين ونادت وحده اسمها عليا كانت اخت لينا عليا : لبيه بغيتوا شي لينا : اني استنجدك يا اختاه .. عليا : وش السالفه ساره : عاد هاذي عليا المهستره بالعائله لو بغيتيها تروح تطلع عند العيال و ترجع تسويها احلام : ههههه اجل انتي خويتي من الحين .. ديمه : لا الدعوى فيها كلن قط مع احلام اجل انا ماني بحاجة احد احلام تكفيني ... هههههههههه ههههههه هههه عليا : اسمعوا وش رايكم نطلع برى بالثيل احس بضيقه هوني ... ساره : ماامداني اتفاخر فيها ناويه تخ*فينها احلام : ايه والله مليت لي ثلاث ساعات وانا جالسه امشوا برى ... صرخن البنات ماصدقن انه احلام توافق تتطلع معهم فجابولهم فرشة و قهوة و صينيتين حلا وجلسن و كل وحده بدت تعرف عن نفسها استئذنت منهن احلام تبغى تروح لدورة المياه و قامت معها ساره لأنه طلبت منها فسألت احلام وهي واقفه على المرايه :سوسو ابي اسألك فيه وحده بالمجلس كانت لابسه ازرق مع فضي مره كبيره منهي هاذي تقرب لكم ... ساره : ازرق اه هاذي خالتي ليه !!? أحلام : لا بس كانت تناظرني نظرات ماهي طبيعيه سكتت ساره لأنها عارفه السبب كانت هاذي ام غاده فردت عليها بتوتر : لا تشيلين هم يمكن بما انك وجه جديد علينا عشان كذا يعني !! احلام : اهااا ورجعوا كملوا جلستهم جا و قت العشا و بدوا يتعشون بس احلام ماكان لها نفس انا تاكل لذا راحت جلست بالمجلس مع البنات بعد ماخلصوا عشا دقت احلام على اسامه : الو هلا .. اسامه : هلا احلام : تعشيت ??! اسامه : ايه وانتي !!!.. أحلام : ايه يالله نمشي .. أسامه : ليه منتي مطوله ??! احلام : براحتك والله أسامه : اجل يالله البسي عباتك انا بالسيارة سكرت منه ولبست عباتها وكان الكل منزعج من اسامه لأنه بياخذها كانت احلام مره مونستهم سلمت عليهم وطلعت وقبل ماتطلع اخذت كل وحده من البنات رقمها ... وصلوا البيت ... طلعت احلام لغرفتها دون ماتكلم اسامه اي كلمه عن اللي صار دخلت الغرفه فتحت دولابها عشان تطلع ثوب النوم و دخلت الحمام تاخذلها شاور دخل اسامه و دون ماتحس غير ملابسه عشان يتحمم فطلعت عليه و هي لابسه الروب تنشف شعرها و اول ماشافته نقز قلبها و بدا وجهها يعطي الوان ماكان اسامه معبرها اخذ الفوطه ودخل بعدها ..،.. ابتسمت ابتسامه عبرت عن كل اللي داخلها ونست اللي صار ... تكلمت معه وهو بالحمام : تصدق اهلك ماكنت اتوقعهم كذا ?? مارد عليها بس اهي كملت : كنت اتوقعهم جادين و ما في مزح بينهم و ينقدون على كل صغيره وكبيره !!! أسامه بغرور : ليه قالولك خالين من المشاعر !! حست احلام بالأهانه لأنه هاذي اول موضوع يقوله لها من يوم ملكتهم : لا لا ما اقصد كذا بس كنت اتوقع !! رد عليها وهو طالع من الحمام ينشف شعره : لهدرجه تفكيرك غ*ي و سامج !! جمد ل**نها ولا استوعبت اللي يقوله بس قالت : يعني انا طلعت الحين غ*يه .. اسامه وهو ملقي ظهره للدولابه يطلع ملابسه : هههه يمكن !? يعني مافي احد يفكر هالتفكير ما فيه عائله ماتحب المزح بين بعضهم ولا فيه عائله جامده بمشاعرها و اللي بينهم بس السلام صاحيه انتي ولا وش سالفتك ،... احلام و عيونها تلمع من دموعها : إلا فيه عوائل زي كذا ومن قالك انه مافيه و الدليل انا عائلتي ما بيننا غير السلام و نتقييد بكل شي اذا كنا عندهم و يحاسبون على الصغيره والكبيره و اكره ما بعيشتهم اسم ابوي وبناته و بعدين مو بس عيلتي فيه كثير عوائل زي كذا ... افتشل اسامه من اللي قاله لها و انصدم و لما لف وجهه لقى دموعها تنزل على خدودها كان وجهها بريء مثل الطفل قرب لناحيتها لا شعوريا ومسك ايدينها الصغار اللي كانوا متشابكين ببعض من قهرها و قال بصوت هادي : انا آسف ماكنت اقصد من كلمته حست ان اعصابها ركدت شوي و طلعت كل الضيقه اللي كاتمتها في ص*رها بتن*د مالها اول ولا اخر رفعت راسها وحطت عيونها اللي تملاها الدموع في عيونه واللي حس منها اسامه انها كانت تقول :....؛... أبـي أضمك { ضمـه } عقبهـأإ الموت.. أبي نهـأإيـة دنيتي يوم "أضمــــــك " أعذرني هذ الهواء يجبر على رفع الصوت.. أيـــه نعـــم هذي المشاعر تقــول { أحبـك }.. ضمتـــك لي "أغلــــى" من الذهـب والياقوت.. ودي تغمـرني بحنـــــــــــــــــانك وعطفــــك.. يالغالي اللي من غيــــــــــرهـ أمـــــــوت .. أيــــه " ضمنــي " حيــــل خلنـي احيــــا بك.. سمعنـي أحلـــى كلآم الحب بعالي الصوت.. خـــل العالم تدري باللي بينــي وبينـك .. حسسني بحبك اللي صار لقلــــــــبي قوت.. وخلني أعيشـــه واشوفــه "بحضنــك " لآ تبعــد عنــي وتخليني في تـــابــوت.. أخــاف ضلوعٍ ـي تعطش بلآ"ضمــــــاتك ".. واكبـر دليـــــل أنــــــــي أحبك مـــــــوت.. شـــوقي لـــك بغيـــــابك وحتى بــوجودك.. و ودي اضمــــك واقـول أحبــك بعدهـا الموت.. ابــي نهــايـة دنيتي يـــــــــــوم {أضمــــــــك }.. كانت مابينهم مسافة ابدا بس بلحظه ترك ايدينها وطلع ... ماقالت ولا كلمه لأنه حست صارت عاده ماتستغرب منه قامت الصبح لقت نفسها بالسرير نايمه لحاله نزلت تحت لقت اسامه نايم بالصاله ماحبت تقومه إلا و تزين الفطور قبل دخلت المطبخ وحضرت الفطور وحطته على الطاوله طلعت تبي تقوم اسامه لقت الخدامه لورينا هي اللي تقومه فركضت لمها وقالت : خليه انا اقومه من سمح لك تقوميه انتي ??! لورينا : مدام بابا قول انا في قوم هو !!? احلام بتعصيب : من يوم ورايح انا اللي اقومه و اطبخ له و اغسل له و اكوي ثيابه فاهمه !! لورينا : اوكيه مدام احلام : روحي شوفي شغلك كان اسامه قايم بس مسوي نفسه نايم ولا حس بشي وسمع كل اللي قالته احلام : اسامه قوم يالله الفطور جاهز اسامه : كم الساعه ?? أحلام : الساعه 9 ص وقام من دون مايقول صباح الخير غسل وجهه و صلى ركعتين و جلس على طاولة الفطور ... احلام وهي تصب له الشاي : ليه ماقلت لي انك راح تنام بالصاله كان جبت لك مخده وبطانيه عشان ترتاح في نومك !! اسامه : ماني محتاج لورينا يا لورينا لورينا : نعم بابا اسامه : وبعدين ماقلت لك انت تقوميني من النوم ليش ماقومتيني ! لورينا : بابا انا ... اسامه : وش تبيني اسوي على اهمالك .... افصلك و اسفرك هاه لورينا : لا لا بابا سوري انا مافي اهمال بس احلام : لا تكملين روحي شوفي شغلك ... انا اللي قلت لها لا تقومك و بعدين من هي زوجتك انا ولا هي و انا وين رحت !!!. قام اسامه من فطوره ولا كمل اكله ولا حتى عطاها كلمه بس قال : ضفي اغراضك اليوم و جهزي نفسك اليوم سفرتنا الساعه 5 م مانبي نتأخر على الطياره ... احلام في نفسها [هه حتى ماكلفت نفسك تقول شهر العسل ايه الله يعين ] : ان شاالله ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ باالمطار كان فهد اخو احلام معاهم عشان يودعهم نيابة عن الأهل : توصلون بالسلامه انشالله اسامه : الله يسلمك يالله ... فهد : اسامه من الحين اقولك ترى اختي ماتمسك نفسها يالله بحبل تربطها عشان ماتهرب هههههه اسامه : هههههه لاتوصي حريص افا عليك بس انا ماسكها مو بس بيديني إلا بعيوني .. استغربت احلام من كلامه عنها مع اخوها كان مره غير ... فهد : ههههه تسلم عيونك يالغالي .. اعلن المطار طيارة سويسرا جاهزه للأقلاع اسامه : يالله اجل فمان الله .. فهد : بحفظ الكريم ... وراحوا كان شهر العسل في سويسرا و كان اسامه حاجز بالفندق قبل العرس بسبوع نزلوا ارض سويسرا وكان جوها مره بارد كان شي عادي بالنسبه لأحلام انها في سويسرا لأنها جايتها مع ابوها وكانت تعرف الأماكن الزينه و الاسواق و المطاعم و المقاهي و حافظه مكان الحي اللي كانت ساكنه فيه مع ابوها فصدفت يكون الفندق قريب للحي تمشوا بالتا**ي و شافوا المدينه وش كبرها و وصلوا الفندق بالليل لأن السير فيها كان زحمه منها استانسوا و منها تعبوا كالعادة احلام قاعده تتفحص المكان و احلا ما اعجبها في الفندق انه يطل على انحاء المدينه و بما انها كانت تدري ان الجو راح يكون بارد لبسة جاكيت يدفيها و طلعت جاكيت لأسامه : خذ ألبس الجو بارد !! اسامه ببرود : ماني بردان احلام : طيب جوعان ازين لك شي تاكله اسامه : ماني مشتهي انا ميت من التعب بروح انام عن أذنك !!! ماقدرت تسوي شي غير انها تسكت و بما انها عرفت اسلوبه معها حبت انها بس تظل تختصر في الكلام معه ولا تناقشه بشي فتحت النافذه الزجاجيه اللي تطلع على بلكونه و كانت نسمه الهواء بااارد خلاها تحس بالراحه و جلست تتأمل انحاء المدينه لحالها وبما انه اسامه بالغرفه لحاله عطى لنفسه وقت يسترجع الذكريات الحزينه اللي مر فيها و اللي كان يتمنى انها تكون موجودة معه الحين جلس على السرير و طلع البوك اللي فيه صورة غاده و جلس يناظر لها و يتكلم من دواخله مع هالصوره ماكان احد يصدق انه هذا هو زواجهم رغم الطفوله اللي عاشها معها بس ماعطاها قلبه كان دايما يتحاشاها و قليل ما يتكلم معها رغم انه يعرفها من يوم واهم صغار بس كان مسكر قلبه ولا هو معطيها مجال انها تفتحه و هي اللي كانت موسعه باب قلبها عشانه و تتمنى منه لو نظره تحسسها انها زوجته او يتقرب منها ويمسك ايدينها بس اسامه مخلي بينه وبينها حواجز كثيره ... طلع الصبح و كانت احلام نايمه على الكنبايه متغطيه بجاكيتها و مشغله المكيف على الحار اللي ما حسسها بشوية دفا بس عشان ماتضايق اسامه بالغرفه طلع اسامه من غرفته و شاف حالتها فقرب لمها و كان متردد بعد بس لما لمس يدينها الباردين حس بالذنب وشالها للغرفه و غطاها بالبطانيه بعد ماطلع صحت هي من النوم بساعه و طلعت من غرفتها لقته جالس : صباح الخير اسامه : صباح النور احلام : افطرت !!?? اسامه : لا كنت انتظرك عشان نفطر برى !! احلام : اوكيه خليني البس و اجهز نفسي !! و راحت واخذت لها شاور ولبست لها بنطلون جنز [سكيني] وبلوزه مقلمه [كوراهات] بلون فوشي واسود شتويه و لبست نعال شبشب فوشي و فوقهم عباتها الكتف وحجابها كان اسامه ينبهر بذوقها في اللبس بس ما يعطي رايه طلعوا و كانوا رح ياخذون تا**ي بس احلام رفضت وقالت انه يتمشون احسن لأن الصبح في سويسرا غير و اسامه اللي مثلها لا بس بنطلون جنز وجاكيت رصاصي تحته هاينك ابيض مبرز جسمه وكان مره نحيف ومعطيه شكل رجولي مسكت ايده و اللي ماكان متوقع فناظر بعيونها اللي كانوا مشتاقين للمسة ايدينه و ضمة دفاه و كانت احلام صاده وجهها عنه لأنها تدري اول ماتشوف عيونه تت**ر جميع الحواجز اللي بقلبها وتنسى اللي يجي منه بس للأسف ابعد ايدينه و دخلهن بجيبه ماحاولت تعيد الكره و اعتبرت انه ماصار جلسوا باحد المطاعم اللي كانت احلام تعرف اكلهم عدل : تصدق عاد ودي نمر الحي اللي كنت ساكنه فيه مع ابوي اشتقت للجيران و خاصة سيدة إيزابيلا ... ابتسم اسامه وقال : من هاذي ?? ارتاحت احلام واخير لمى ابتسم بوجهها وتحمست تقوله : هاذي والله ام الجيران كنت دايما انا وياها علقانين ببعض ماحبها ولا تحبني و مايفكني منها إلا ابوي ههههه و اسامه منسجم معها و مره كان معجب بطريقة كلامها الحيويه ... احلام : بس ماطلع حبها لي إلا لمى قال ابوي انه حنا راجعين للسعوديه و مسويه نفسها انها ماهي زعلانه بس لمى ودعتها ضمتني ماخلتني اتنفس و إذا شاف*ني الحين ماظنتي تخليني اعيش هههههه اسامه : خليتيني اتحمس للشوفته خلصتي ?? احلام بفرحه : ايه ايه يالله وقاموا يتمشون و مع احلام كان اسامه يتذكر غادة كانت كل ابتساماته لخيال غادة بس مومبين على روحه و صلوا للبيت السيدة ايزابيلا : احلام : اه هذا بيته رح تموت من الفرحه لمى تشوفني !!!

Free reading for new users

Scan code to download app

App Store Google Play

Facebookexpand_more