"Stay here... dito ka na matulog sa tabi ko."
Tumigil ata sa pagtibok ang puso niya dahil sa sinabi ni Tristan. Inaaya siya nitong matlog sa tabi nito. Sa tabi mismo nito!
OMG!
Kinikilig ata pati ang mga atay at balunbalunan niya. Gusto niyang tumili at magtatalon. Hindi naman ito ang unang beses na inaya siya nitong matulog sa tabi nito pero ito ang unang beses na wala namang dahilan para tumabi pa siya rito.
Parang gustong manghina ng tuhod niya habang humahakbang papalapit sa kama. Mahigpit niyang yakap ang unan at comporter niya.
Si Tristan naman ay umusog at binigyan siya ng espasyo para makahiga siya sa tabi nito. Seryoso ang mukha nito habang nakatingin sa kanya. Nahiga na itong muli pero ang mga mata ay nakatingin pa rin sa bawat galaw niya.
Unti-unti siyang sumampa sa kama
