Amber Via
Halos hindi na mapakali ang puso ko dahil alam kong pupuntahan ako agad ni Vince.
Ang nerbyos na nararamdaman ko ay mas lalong tumitindi habang lumilipas ang mga oras.
Wala rin balak na umalis si Vincent. At ang pangamba kong baka mag pang-abot ang magpinsan ay mas lalong tumitindi.
Mula ng magalit si Vincent ay hindi na naging normal ang pulso ko.
Sinubukan rin siyang kausapin ni Nanay para pakalmahin.
Tumawag naman si Vince kay Dani, at nang ibigay sa'kin ni Dani ang cellphone nito ay agad kong narinig ang boses ni Vince na puno ng pag-aalala.
Kagagaling ko lang sa mahabang pag-iyak kaya medyo namaos na ang boses ko, at marahil ay nahalata iyon ni Vince dahil naririnig ko pa ang mahinang pagmumura nito.
"Bakit ka umiiyak? Sinaktan ka ba n'ya?" ang pinaghalong
