Hindi ko alam kung ano ang hitsura ko ngayon dahil pakiramdam ko ay nanigas na ako sa kinatatayuan ko habang nakatitig pa rin kay Sir Kier. Nakatitig ako sa mga mata niya.
"Aki? Are you okay?" tanong niya. Naaamoy ko na rin ang hininga niya. Pakiramdam ko masyadong mabilis ang t***k ng puso ko pero pinipigil ko naman ang paghinga ko.
"Uh! O-opo!" sagot ko agad ng makabawi sa pagkatulala ko. Juicekolord! Ikaw ba naman ang tanungin ng gwapo mong amo kung pwede kang ligawan, Officially? Hindi ka ba naman matulala?
"Yan ka na naman sa opo mong yan, eh! Pakiramdam ko tuloy ang tanda ko na," natatawang sambit nito.
Medyo lumayo siya sa akin. Inalalayan akong makatayo ng maayos dahil medyo naka-bend ako kanina. Pinagmasdan ko si Sir Kier. Pakiramdam ko lahat ng kilos ni Sir Kier ay mabagal s
