Matapos na maihatid ako ni Henry dito sa kwarto ay inihiga niya ako ng maayos sa kama saka kinumutan ang kalahati ng aking katawan. Binuhat niya ako dahil hindi ko pa rin kayang lumakad ng maayos. Nagising din ako matapos ang ilang oras na pagkakawala ng malay tao ko. Madaling araw pa lang kaya makakapagpahinga pa ako ng maayos. Pati na rin si Henry na mukhang naabala ko sa pagtulog nito.
"Magpahinga ka na lang muna diyan at ako na muna ang bahala sa mga gawaing bahay bukas. Ako na lang ang magsasabi kay Sir Kier ng nangyari sayo kanina," sabi nito habang papalabas na ng pintuan ko.
"Salamat Henry, sa tulong mo," sincere na pasasalamat ko rito. Tipid akong ngumiti kay Henry. Bahagya lang itong tumango bilang tugon nito sa akin.
Saktong isasarado na ni Henry ang pintuan ng may marinig a
