Matapos ang gabing iyon ay nailang na akong lumapit kay Sir Kier. Ultimo magdikit ang balat namin ay hindi ko pinapayagan. Ginagawa kong palaging abala ang sarili ko. Kung lalapit man siya sa akin ay umiiwas na agad ako. Madalas ako sa garden kausap si Tita at kung lalapit naman siya sa amin ay agad akong tatayo at magpapaalam na may kailangan pa akong gawin.
Hindi pwedeng mapalapit ako sa kanya. Alam kong nagkamali ako sa pagbigay ko sa kanya ng ilang beses pero sana ay hindi na iyon mauulit pa.
Hindi rin nagtagal sina Auntie Lilibeth sa Pilipinas dahil makalipas ang dalawang buwan ay bumalik na ulit sila sa America at kami na lang ulit ang naiwan sa mansion. Kung hindi lang ako nahihiya sa kanila ay baka humingi na ako ng tulong para matagpuan ko ang kinaroroonan ng aking ama.
Sabay
