“Nasaan na ba ‘yun?” Natatarantang bulong ni Brandon habang paikot-ikot at patingin-tingin sa kabuuan ng kusina. May hinahanap kasi ito at hindi siya mapakali dahil hindi niya ito mahanap.
Isa-isang binuksan ni Brandon ang pintuan ng mga cabinet, drawers at pati ang mga kaldero at kung ano-ano pang kagamitan na makikita sa kusina nila ay inangat at kanyang tiningnan ngunit hindi niya nakita ang kanyang hinahanap.
“Dito ko lang tinago ‘yun,” nanlulumong bulong pa ni Brandon na ngayon ay tinitingnan ang isang maliit na cabinet na nasa ibaba. Sa pinakasulok ng nasabing cabinet, sa loob ay may maliit pang cabinet doon kung saan niya itinago at isinuksok ang USB na naglalaman ng video ni Austin ngunit nang tingnan niya muli, wala na iyon sa pinaglalagyan nito.
“Hindi ko naman inaalis doon ‘y
