TINITIGAN ni Elaina ang mukha ni Ndrew sa mga larawan nito na naroon naka-save sa gallery ng cellphone nito.
"Ano na naman ba'ng problema mo, ha?" malungkot na tanong niya sa mga larawan nito na akala mo'y sasagot ito sa kaniya.
Hindi niya maintindihan ang lalaking ito, mula nang mag-usap sila tungkol sa pagpapabalik kay Aling Elvira sa mansion ay mahigit isang linggo na siya nitong tila iniiwasan. Iisang bubong lang ang kanilang ginagalawan pero halos hindi na sila nito nagkikita. Ilang beses silang nagkasabay sa komedor subalit hindi siya nito kinausap, palaging nagmamadali.
'Ah, baka naisip niya na hindi tama 'yong mga pinaggagagawa namin,' kumbinsi na lang niya sa sarili upang manahimik na ang utak niya kakaisip kung ano naman ang isyu nitong si Ndrew sa kaniya.
Ipinatong niya sa b
