"Saan ka nanggaling?" Habang binubuksan ni James ang pinto ng kubo niya ay biglang may magsalita sa likuran niya kaya nagulat siya.
Kahit nakainom siya ay kilalang-kilala niya ang tinig ng babaeng nagsalita. Nilingon niya ito at nakita niyang nakasakay ito sa duyan na binili nito para sa kaniya.
Hindi niya alam kung bakit gising pa ito gayong madaling-araw na.
Sinadya niya talagang umuwi ng madaling-araw para hindi niya nakikita kung gaano ito kasaya sa piling ng pamilya nito.
Kung hindi lang siya naging gago noon ay baka sila ang magkasama nito ngayon.
Ang hirap kasing tanggapin na hindi siya ang kasama nito. Na hindi siya ang lalaking nakakatabi nito sa pagtulog.
"Ang sabi ko, saan ka nanggaling?" Hindi niya sinagot ang tanong nito. Sa halip ay pumasok na siya sa loob ng kubo ni
