Tahimik ang buong dormitoryo nang gabing iyon. Sa labas, makikita ang mga Christmas lights na nakasabit pa sa paligid ng campus, kumikislap na parang mga bituin sa lupa. Ngunit sa loob ng silid ng F4, hindi na Christmas break ang iniisip nila—kundi ang misyon na naghihintay sa kabilang mundo.
Nasa gitna ng kwarto si Khyro, nakaupo sa gilid ng kama habang hawak pa rin ang plushie na ibinigay ni Laxriel. Hindi niya maialis ang tingin dito. Kanina pa paulit-ulit na bumabalik sa isip niya ang eksena ng ngiti ni Laxriel, at ang sinabi nito na “parang ikaw” ang aura ng laruan.
“Parang ako, huh?” bulong niya sa sarili, bago napapikit at napabuntong-hininga.
Kung alam lang nito ang buong katotohanan.
“Bro,” tawag ni Lucien, na kasalukuyang nagbabalot ng ilang gamit. “Kung tititigan mo pa ‘yang
