NANG magising si Olivia kinabukasan ay ang una niyang ginawa ay kinuha niya ang cellphone para magpadala ng text message kay Alexis.
Ingat ka sa pag-file mo ng candidacy, Alexis.
Nang ma-send niya iyon ay hindi niya napigilan ang mapabuntong-hininga. Hindi din niya napigilan ang makaramdam ng pag-alala para kay Alexis.
Ngayon araw ay magpa-file si Alexis ng candidacy nito sa muling pagtakbo nito bilang Governor. At hindi mapigilan ni Olivia ang makaramdam ng pag-alala para sa kaligtasan nito. Mapanganib din kasi minsan ang mag-file ng candidacy. Marami siyang nababalitaan noon na tinatambangan ang mga politikong tatakbo para sa election.
Paano kung mangyari iyon kay Alexis? Paano kung may tumambang dito habang magpa-file ito?
Ipinilig naman ni Olivia ang ulo para maalis iyon sa
