PAGBUKAS ni Miss A ng pinto sa VIP room ay inihanda na niya ang ngiti sa labi niya. Pero unti-unting nawala ang ngiti sa labi niya nang makita niya ang seryosong eskpresyon ng mukha ni Gov. Alexis ng sandaling iyon. Napansin din niya ang pagsasalubong ng mga kilay nito, sa sobrang pagkakasalubong nga ay nag-isang linya iyon.
Is he mad? Hindi naman niya napigilan na itanong iyon sa isip habang nakatitig pa din siya dito.
Sa eskpresyon kasi ng mukha nito ay parang galit talaga ito.
Saglit nga siyang parang estatwang nakatingin dito bago siya dahan-dahan humakbang patungo sa kinaroroonan nito. Hanggang sa huminto siya sa harap nito.
Olivia stared at him for a while.
Hindi pa din nagbabago ang eskpresyon ng mukha ni Gov. Alexis ng sandaling iyon.
May kaaway ba ito? May nangyari ba s
