NANG matapos ni Olivia na ayusin ang mga folder na kailangan ni Alexis ay tumayo na siya mula sa pagkakaupo niya para dahlihin ang mga iyon dito. Bitbit niya ang mga folder na humakbang siya palapit sa opisina nito.
Kumatok si Olivia ng tatlong beses para ipaalam ang presensiya niya. Pagkatapos niyon ay pinihit na niya ang seradura pabukas at pumasok na siya doon. Isinara din niya ang pinto para hindi lumabas ang lamig ng aircon.
Napanguso naman siya nang makita na wala si Alexis sa swivel chair nito. At napatingin siya sa nakasarang pinto sa banyo ng makarinig siya ng lagaslas ng tubig na nangagaking mula doon. Mukhang naroon si Alexis. Hindi naman na niya hinintay na lumabas ito doon. Lumapit siya sa executive table nito para ipatong ang mga hawak niya. At nang maipatong niya iyon ay
