Ewan ko rin sa sarili ko at huminto ako sa tapat nito, binuksan ko ang bintana sa driver's seat at saka siya dinungaw. So, siya nga ito. Kanina lang ay tahimik ang mundo ko, ngayon ay nababaliw na naman nang dahil sa kaniya.
"Anong ginagawa mo rito?" tanong ko habang maiging pinagnamasdan ang kabuuan niya.
Suot nito ang kanilang uniporme, isang ternong white top at pants. Kulay puti rin ang sapatos, samantala ay malaki naman ang shoulder bag na dala niya sa kaniyang balikat. Tapos na ba ang klase nito?
Kanina lang ay nasa Admissions Office ito, ah? Kanina pa ba siya rito? Sa lahat ng katanungang iyon ay wala ring nasagot dahil hinihintay ko pang magsalita si Kidd, hanggang sa may bumusina na lang sa likuran ng kotse ko.
Magkasabay na nilingon namin iyon at nakitang mahaba na ang pila n
