Kinabukasan ay araw ng Linggo, nagpasya silang buong pamilya na magsimba. Isa lang naman ang pinagdadasal ni Lily, ito ay matapos na sana ang mga kalbaryo niya sa buhay. Matapos na sana kung ano man ang mga kababuyan na ginagawa sakanya ng mga tao. Pagod na rin kasi siya sa mga nangyayari. Bata pa siya pero ganitong klase na ang mga problema niyang kinakaharap.
Pagkatapos nilang magsimbang apat ay kumain muna sila sa Jollibee. Iyon kasi ang paboritong fastood chain ni Lily.
Pagkatapos nila kumain ay nagpasya na silang umuwi. Kitang-kita kay Lily ang saya pero may kasama pa ring takot dahil kasama nila ang Papa niya.
"Ano Lily? Nagustuhan mo ba ang lunch mo ngayon? Busog ka ba naman?" tanong ni Kuya Gerald kay Lily
"Oo naman kuya, salamat at lumabas tayo ngayong Linggo. Sobrang saya ko
