May anong matinding kilabot ang dumaan sa buong katawan ni Amanda nang marinig ang pagbabanta na iyon ni Ismael sa kanya.
Gayun pa man ay nag-taas noo pa rin siya. Wala siyang balak na umatras pagkatapos ng mga ginawa na niyang mga hakbang. Hindi na niya maaaring pakawalan pa ang putahe na nasa harapan niya. Lalo pa na tanging pagsunggab na lang ang kailangan niyang gawin.
Humugot ng malalim si Amanda bago malakas na pinakawalan ito. "Hmmm... Fine, " paghamon na sambit na lang ni Amanda kay Ismael, "Tignan natin kung sino ang tama sa ating dalawa sa huli," hindi nagpapatalong komento pa niya, "I know na sa akin ka pa rin naman babagsak, Mael. Marahil masyado ka lang malungkot ngayon dahil sa pinagtataguan ka ni Cathy. Darating ang araw na mapapansin mo rin kung sino ako talaga sa buhay m
