Malakas ako napatawa nang biglang ibaba ni Cathy ang tawag ko sa kanya. Kahit kailan talaga ay ang sarap niyang biruin.
Ilang buwan pa lang kami naikakasal na dalawa pero tila ako na yata ang pinakamasayang tao sa mundo. Hindi ko akalain na magagawa ko na makaranas ng ganitong saya sa buong buhay ko.
Kung alam ko lang na ganito ang mangyayari, sana noon pa lang talaga ay pinakasalan ko na siya. Napakarami tuloy na panahon ang sinayang ko sa aking buhay. Dahil nasa harapan ko na pala ang babaeng magbibigay saya sa akin pero apat taon ko lang ito in-ignora.
Pakiramdam ko rin tuloy ay napaka-tanga ko dahil ilang kliyente, mga business partner, mga empleyado at sina mama ang sumubok na imulat ang mga mata ko para makita kung ano ang nasa harapan ko. Kung hindi pa ako napilitan sa blind dat
