Maliwanag na ang sikat ng araw nang ako'y magising. Maaga pa naman ngunit dahil sa himbing ng aking tulog ay tinanghali ako ng gising kumpara sa aking nakagawian.
Agad akong lumingon sa kabilang banda ng kama at natagpuan itong bakante. Tumayo ako at lumabas ng silid ngunit wala akong Adam na nakita. Ganitong oras sya karaniwang pumapasok sa opisina ngunit ngayon ay mas maaga syang umalis.
Hindi ko tuloy maiwasang makaramdam ng sama ng loob. Unti unting naglaho ang pag asa mula sa aking pagtulog. Marahil ay panaginip lamang ang mga mapagmahal na salitang binitawan nya kagabi. Ni hindi man lang sya nagpaalam na maaga pala syang aalis. Siguro nga ay galit pa rin ito mula sa nangyari kahapon.
Napabuntong hininga na lamang ako at nagpasyang magpatuloy ngayong araw. Habang naglilinis ng baha
