Napakaliwanag ng buong bayan, mula sa labas, natatanaw mo ang mga banderitas at mga makukulay na bulaklak sa bawat sulok ng aming barangay. Parang tinatambol sa kaba ang aking dibdib ngayong gabi.
Mabigat ang pulang gown na suot ko, parang pasan ko ang lahat ng alaala sa nakaraan. Dahil noon, pangarap ko ang gown na ito. Marahil, si Mama ang nagsabi sa dalawang lalaki tungkol dito. Pinili nina Oceano at Wisley ito, kaya sinuot ko na lang kahit mahirap. Dahil alam ko, intensyon nila na ako ang kuminang sa lahat ng bituin ngayong gabi.
Kapistahan nga naman, at ako ang sentro ng atensyon, para bang naluluha ako na hindi ko maintindihan. Dahil ang gabi na ‘to, alam ko na mahalaga para sa dalawang babae na mahal ko. Sina Lola at Mama.
Kumikinang ang alahas na suot ko. Halata sa mga mata n
