فصلية

ومذا بعد!؟

في السيارة

شمس : محسوي عملية ما اريد

آدم : مو بكيفج شمس حتسويها

شمس : ما اسويها

⁃ ليش متجاوب !

⁃ اهووو دا احجي وياك

آدم : من تحجين شي بي خير حجاوبج

شمس : هففف

آدم : متحاجين اهلج

شمس : جيييب

نظر آدم اليها بطرف عينه واعطاها الهاتف اخذته واتصلت بسيف

سيف : مرحبا

شمس : هلاا يابااا

سيف بتعب : هلاا بشموستنا شلون حبيبتي

شمس : الحمد الله انت شلونك

سيف : بخير

شمس : شبيك ؟ شو تعبان؟

سيف : ما بيا شي عمري بس تعب الشغل وهيج

شمس : اممم بابا وماما شلونهم

سيف : زينين

شمس : من ترجع اريد احاجي بابا مشتاقتلة لان محافظة غير رقمك ورقم وسيم

سيف : من دنرجع د*كون بابا نايم

شمس : سيف انت مدا تجذب عليا مو؟ بابا ما بي شي ؟

سيف : لا ما بي حبيبتي

شمس : اممم ممصدكتك بس شسويلك بوسهم بمكاني حيل

سيف : يوصل

شمس

أغلقت الهاتف واعطيته لآدم! اعلم جيداً هناك شيء ابي ليس بخير لكن سيف لم يخبرني ! وصلنا الى المنزل فور دخولنا بدأت رغد بالكلام

رغد : هسة ارتاحيتي سويتي اللي براسج

شمس : شسويت ؟

رغد : ابد خطية يالفقيرة

شمس : لوين تريدين توصلين؟

رغد : اريد اخلص منج ومن شرج

شمس : حتخلصين حتخلصين لتخافين

رغد : سيد آدم مشتك وراها

آدم : ما اناقش ناس متفهم وتناقض روحها

رغد : لازم تحترمني افندي

آدم : من تحترمينا نحترمج

شمس

نظرت اليهم بهدوء وصعدت الى الغرفة جلست امام النافذة افكر ماذا سيحدث هل سأفقد يدي حقاً ؟ كيف سأكمل هكذا ؟

دخل آدم تقدم نحوي وامسك بيدي نظرت أليه فأردف

⁃ لتخافين حتنجح عمليتج

⁃ واكو احتمال انو متنجح!

⁃ خلي آملج جبير وادعي

⁃ دا ادعي بس د*كلك جراحة هواية ويجوز واصلة للعظم يعني عليش اتحمس وافرح وبالاخير افوت بأيدي واطلع بلاها؟

⁃ ليش هيج تكولين؟ يمكن تفوتين وتطلعين بيها وتنجح

⁃ مو كلشي يصير مثل منريدة احنا

⁃ بس اكيد الله كاتبلنا الشي الاحسن

⁃ ونعم بالله

⁃ يلا كومي بدلي ونامي

⁃ ماشي اطلع

⁃ ليش اطلع؟

⁃ اريد ابدل

⁃ زوجج اني

⁃ مو كتلي انو اني مثل سارة !

⁃ بس انتي مو مثلها صدكً

⁃ هففف ابقي حفوت للحمام ابدل

⁃ خلص خلص راح اطلع

ترك يدي وخرج غيرت ملابسي وخرجت من الغرفة سمعت خالتي سميرة تصرخ وتبكي وهي تحادث آدم

سميرة : ليش حتسويلها العملية وتنقذها؟ خليها هيج خلي كلبها وكلب اهلها يحترك مثل محركوا كلوبنا على اخوك

آدم : بس هي شعليها عمها اللي سوا والبنية تبتلي؟

سميرة : منو كاللهم ينطوها؟ جان كتلنا ولد وفضينا السالفة

آدم : ولشوكت تبقون بهلعقلية المتخلفة هاي؟

سميرة : انت تطبعت غير عادات وغير اصول جان غلط لما خليناك تسافر وتكمل برة حسب رغبتك

آدم : لا عبالكم انتو الصح ! البنية طفلة 16 سنة شتفهم؟ اخذتوها وزوجتوها اني عندي ضمير وانسانية لو ناطيها لسرمد شجان سوا بيها؟ جان دمرتوها دمار شامل تدرون بهلشي ؟

سميرة : ولك هذول الاشكال ميتأمنون مثل ما عمها كتل ومشت حياتة هاي تسوي الاتعس !

آدم : مو هياتني اني اخويا مينجرع ومو حقاني واني وخالد وطارق نختلف عنة اختلاف جذري !

سميرة : بس عاد تدخل حياتك بكلشي احجي ! يكفي آدم

آدم : قبل ما اطلع حبيت اكلج انو خسرتوني !

سميرة : شلون يعني ؟

آدم : بس تكوم شمس بخير وسلامة اخذها وارجع لتركيا

سميرة : ليش هي بكيفك!

آدم : حتى لو تتبرون مني تبروا احسن ما اشوف هلظلم هذا بعيني وابقى ساكت

سميرة : هي مو بكيفك تاخذها وياك انت روح وهي تبقى هنا تخدمنا

آدم : مستحيل هلشي مستحيل تشيلوا من راسكم

سميرة : آدم اقسم بالله اذا سويتها واخذتها لا انت ابني ولا اعرفك ميكفي ربيناك وعلمناك وصرفنا عليك دم كلبنا

آدم : هه هو اني طول عمري مجنت أبنكم بقت على هلحظة

سميرة : آدم

آدم : هه شكرا على كلش قدمتولي يا مراح انسالكم هلمعروف وراح ارجعلكم فلوسكم اللي صرفتوها عليا استحملوني بس اليوم وباجر من الصبح طالعيين ! عن أذنج

تركتها وخرجت كانت شمس أمامي تنظر اللي بهدوء

شمس : وين رايح

آدم : نامي انتي لتنتظريني

شمس بخوف : آدم

آدم

نادتني بطفولية وخوف ! أغلقت عيني بقوة وصككت على اسناني

⁃ شمس كلتلج فوتي

⁃ واذا مفتت

⁃ شمس فوتي بس شوية اشتم هوا فوتي انتي

⁃ دير بالك على نفسك ! و ولتسرق سريع

شمس

بعدنا انهيت كلامي ركضت للأعلى فتحت دفتري وجلست أكتب فدخلت رغد فجأة نظرت اليها بهدوء واردفت

⁃ شتريدين ؟

⁃ شدتكتبين

⁃ معليج

⁃ رسالة لحبيب الكلب !

⁃ هه هو منو عندة حبيب كلب اني لو انتي

رغد بتلعثم : ش شتقصدين ؟

شمس : اعرف انج محامل ! وانو حتبوكين طفل ناس لخ بس ساكتة فلتخليني احجي

رغد : تخبلتييي شدتلغين انتي

شمس : هه لتشوفيني صغيرة بس اوديج للشط ارجعج عطشانة

رغد : استغفرك ربي

شمس : ايي استغفري ربج بلكي يغفرلج

رغد : كرمينا بسكوتج

تركتها وخرجت كيف سمعتني ! يجب ان ترحل من هنا بأقرب وقت يجب ان اخبر سرمد ليطردها وجودها هنا خطر دخلت الى غرفتي كان سرمد يتف*ج بهااتفه

رغد بدلاعة : سرموود

سرمد : عيونة

رغد : حبيبيي طلبتك

سرمد : نطيتج

رغد : هاي الحية لازم تولي منا

سرمد : هي حتولي اصلا

رغد : شلون حبيبي

سرمد : على اساس حتسوي عملية واحتمال جبير يكصون ايدها

رغد : خفة وراحة اخذت نصيبها

سرمد : اييي كل واحد وكد افعالة المهم انتي يا حبيبتي متغثيين نفسج علمود صحة الطفل

رغد بدلاعة : ايييه ممشتاقلي

سرمد : تعبان حبيبتي اريد انام

رغد : ماشي حبيبي ارتاح

نام سرمد وبقيت افكر يجب ان ترحل بأقرب وقت

2:45 am

شمس

اين بقي آدم ! سوف تصبح الثالثة فجراً وهو لم يعد اين بقيت يا آدم ! ولماذا خرجت ؟ لم استطيع النوم صحيح انني متعبة عيني تنغلق بمفردها ولا أستطيع النوم اذا لم يعود ! سمعت صوت سيارة نظرت من النافذة انه هو ! واخيرااً ! أنتظرته لكنه لم يأتي ! اين ذهب ؟ خرجت من الغرفك ابحث عنه ! وجدته في المطبخ

شمس : شدتسوي ووين صرت

آدم : رحت يم اصدقائي

شمس : لل3

آدم : شتريدين شمس

شمس : وين اختفيت متفكر انت؟ بالي بقى يمك ولا كدرت انام

آدم : اني مكلتلج لتنامين

شمس : ماشي آدم عن أذنك

آدم

لا اعلم لماذا أجبتها هكذا ! اخذت معي فنجانيين قهوة وصعدت اليها

آدم : هاج

شمس : ما اريد

آدم : تردين ايدي ؟

شمس : جيييب

اخذتها منه وجلس بجانبي

آدم : ايييه مدام شمس اقصد ا ن س ة

شمس : هاا

آدم : لتخافين حكون وياج

شمس : لتعوفني ابد حباب

آدم : محعوفج لتخافين

شمس : ليش هشكل حجيت ويا امك بعصبية ؟

آدم : لان دائما هشكل تكلي صرفنا عليك وكبرناك عبالج مو أبنها اني

شمس : منو الاصغر انت لو ابراهيم الله يرحمة

آدم : ابراهيم اصغر مني بسنة هو 97 واني 96

شمس : هااا يمكن من حركة كلبها علي

آدم : لااا من قبل ميموت هي هيج

شمس : بس لتخسرهم من ورايا يبقون هذول أهلك

آدم : ما اخسرهم لا اني اكدر بلياهم ولا همة لحظة عصبية وتعدي

شمس : اممم باجر ساعة شكد نروح؟

آدم : بال12 الظهر

شمس : هو كال بالـ6

آدم : محجزتلج مكان باجر نروح ونحجز ونبقى احسن

شمس : امم براحتك !

آدم : انتي ابد لتخافين ومثل متكولين اللي كاتبة الله يصير

شمس : اممم نطيتني كهوة شحينيمني

آدم : وانتي يومية تنطيني بهلكهوة بنص الليل شو ما احجي شي

شمس : ماشي ماشي خلص سكتت

شمس : آدم

آدم : كولي

شمس : خلي لننام ونلعب

آدم : شنلعب !

شمس : صراحة !

آدم : ماشي ابدي

شمس : حبيت من قبل ؟

آدم : لاا

شمس : شعجب ؟

آدم : لان اذا حبيت محكدر اوعد اللي احبها بالزواج هسة فأنتظر لحد ما اكون نفسي يلا

شمس : امممم دورك

آدم : نفس السؤال

شمس : بعدني صغيرة شلحك احب

آدم : اعجاب يعني ؟

شمس : لااا مو من هلسوالف

آدم : اممم

شمس

استمرينا باللعب شعرت بالراحة معه في اليوم التالي ذهبنا الى المتسشفى اكملنا الاجراءات الى ان اصبح وقت العملية

9:15 PM

شمس : هففف شلون طالعة يع

آدم : شكلج تحفة تخربين ضحك

شمس : نينينينيني ديلا يلااا

آدم : شو انداري بلة

شمس : تدري انت واحد ميستحي

آدم : خلص سكتت

شمس : هفف خايفة

آدم : لتخافين ميصير شي ان شاء الله

شمس : ادعيلي تنجح

آدم : حتنجح لتخافين

شمس : اممم

سمعنا صوت الباب فدخل عدد من الممرضين

ممرضة : لازم ناخذها للغرفة مال عمليات

شمس : مو بعد وكت

ممرضة : لازم علما نجهزج ويجي الدكتور

شمس : امم ماشي

أمسك آدم يدي وضغط عليها بقوة : لتخافين حتعدي واني يمج

شمس : اممم

استغربت منه فقد قبلني من رأسي ونظر اللي : انتي قوية شموس كلشي محيصير

شمس بدموع :اممم

الكاتبةة ?

شمس ! طفلة ! توها بلغت الـسادسة عشر من عمرها ! ذهبت ضحية لعادات وتقاليد ضالمة ! ذهبت بسهولة لأناس متخلفةة !ليست شمس فقط ! الكثير من الفتيات يعاملونهم على انهم سلع لارضاء رغباتهم الفاشلة ! سلع ليتضامنوا فيما بينهم وليحلوا خلافاتهم ونزاعاتهم الفاشلة بتفكيرهم المنحط !

الى متى سنبقى بهذه الوضعية المنحطة وهذه التقاليد الفاشلة !؟

وإلى متى ستبقى النساء وسيلة لأرضاء رغباتهم الشهوانية الفاشلة!؟