“CONGRATULATIONS, Krissa.” halos sabay-sabay na bati kay Krissa ng kasamahan niya sa trabaho.
“You deserved it.” Nakangiting wika naman ni Gweneth sa kanya.
“Thank you guys.” Nakangiting pasasalamat naman niya sa mga ito.
Binabati si Krissa ng mga kasamahan niya sa trabaho dahil napili ng board ang design niya para sa next project ng Galvez firm ng i-present niya iyon kanina sa mga ito. Masaya siya sa sandaling iyon dahil nagbunga ang pinaghirapan niya ng halos dalawang linggo.
Hindi lang iyon, pinuri din ng board lalo na si Jackson ang gawa niya.
“So, let’s call this for celebration, Krissa.” Mayamaya ay wika ni Gweneth sa kanya.
“Oo nga.” halos sabay-sabay na sang-ayon nang iba.
Nakangiting tumango naman siya. “Sure, after work. Let’s celebrate and my treat.”
